ኣዝማድ ዑመር ኣልበሽር ወኒኖሞ ዝጸንሑ መሬትን ኣባይትን ክህገር ተወሲኑ
Posted: 10 May 2020, 11:18
Radio Erena: 10 May 2020
ማዕከናት ዜና ሱዳን ብ8 ግንቦት ኣብ ዘመሓላለፎኦ ዜና፣ ኮሚቴ ጸረ ብልሽውና’ታ ሃገር፣ ብሓሙስ ኣብ ዝወዓሎ ኣኼባ፣ እቶም ኣዝማድ ዑመር ኣልበሽር ጥራይ ብምዃኖም ብሓለፋ ወኒኖሞ ዝጸንሑ ኣብ ከተማ ካርቱምን ከባቢኣን ዝርከብ ኣባይትን መሬትን፣ ናብ መንግስቲ ኣታዊ ክኸውን ወሲኑ።
እቲ ኣብ ዝተፈላለየ ከባቢታት ካርቱም ዝርከብ ኣባይትን ካልእ መሬትን ከባቢ 92 ሽሕ ትርብዒት ሜተር ይግመት።
ኮሚቴ ጸረ ብልሽውና ሱዳን ብተወሳኺ፣ ንቦርድ ኣህጉራዊ መዓርፎ ነፈርቲ ሱዳን ክብትኖ እንከሎ፣ ንምምሕዳር’ቲ ኤርፖርት እውን ብብልሽውና ሓቲቱዎ ከምዘሎ ተገሊጹ።
ዑመር ሓሰን ኣልበሽር፣ ኣብ ስልጣን ኣብ ዝጸንሓሉ እዋን ፈጺሙዎ ብዝበሃል ከም ምጽናት ዓሌት፣ ብልሽውናን ምጥፍፋእን ዝኣመሰሉ ገበናት ዝርከብዎም ሓያሎ ክስታት ቀሪቡሉ ኣብ ትሕቲ ቀይዲ ይርከብ።
ማዕከናት ዜና ሱዳን ብ8 ግንቦት ኣብ ዘመሓላለፎኦ ዜና፣ ኮሚቴ ጸረ ብልሽውና’ታ ሃገር፣ ብሓሙስ ኣብ ዝወዓሎ ኣኼባ፣ እቶም ኣዝማድ ዑመር ኣልበሽር ጥራይ ብምዃኖም ብሓለፋ ወኒኖሞ ዝጸንሑ ኣብ ከተማ ካርቱምን ከባቢኣን ዝርከብ ኣባይትን መሬትን፣ ናብ መንግስቲ ኣታዊ ክኸውን ወሲኑ።
እቲ ኣብ ዝተፈላለየ ከባቢታት ካርቱም ዝርከብ ኣባይትን ካልእ መሬትን ከባቢ 92 ሽሕ ትርብዒት ሜተር ይግመት።
ኮሚቴ ጸረ ብልሽውና ሱዳን ብተወሳኺ፣ ንቦርድ ኣህጉራዊ መዓርፎ ነፈርቲ ሱዳን ክብትኖ እንከሎ፣ ንምምሕዳር’ቲ ኤርፖርት እውን ብብልሽውና ሓቲቱዎ ከምዘሎ ተገሊጹ።
ዑመር ሓሰን ኣልበሽር፣ ኣብ ስልጣን ኣብ ዝጸንሓሉ እዋን ፈጺሙዎ ብዝበሃል ከም ምጽናት ዓሌት፣ ብልሽውናን ምጥፍፋእን ዝኣመሰሉ ገበናት ዝርከብዎም ሓያሎ ክስታት ቀሪቡሉ ኣብ ትሕቲ ቀይዲ ይርከብ።