ኤርትራዊነት ማለት!
(ጓል ፈዳይን ሻዕቢያ ቫይናክ) - ወፈያ ኤርትራዊያን ነበርቲ ኣሜሪካ፣ ንመኸተ ኣንጻር ለበዳ ሕማም COVID-19 ብዝገርም ኤርትራዊ ልግሲ ይቕጽል ኣሎ።
ነበርቲ ምዕራባዊ ግዝኣት ኣሜሪካ፣ ኣብ ውሽጢ ሰዓታት ልዕሊ 550,000 USD፣ ነበርቲ ማእከላይ ምዕራብ ኣሜሪካ ኣብ ውሽጢ ሰዓታት ልዕሊ 320,000 USD ኣወፊዮም።
እቲ ወፈያ፣ ብሕጂ እውን ክቕጽል እዩ!
ዘገርም እዩ !
ወይ ግሩማን መላእክት!
ይብል ኣባሓጎይ፣
ወይ ግሩማን መላእክት! ከም'ዚ ኣይተራእየን!
ወያ ደሃይ ደንበ ዕንክሊል ከ?
ወያ ደንበ ዕንክሊልን ጋዕጋዕዝያን ተጋሩን፣ ነዚ ንልብኻ ዘረስርስ፣ ንመንፈስካ ዘተርንዕ፣ ንፍናንካ ክብ ዘብል ወፈያ ኤርትራዊያን፣ ጌና ከይተበገሰ እንከሎ እያ ፖለቲካዊ መልክዕ ኣትሒዛ ከተጎናድቦ ፈቲና።
ዝሰምዓ ግን የለን! እኳ ደኣ መስሓቒን መድኣልን እያ ኮይና ተሪፋ።
ደንበ ዕንክሊል፣ መምዘኒኣን እያ ጌራ፣ ኣብ ታሪኽ ብ
ቐይሕ ፒሮ ዝተጻሓፈ ገበን ድማ ፈጺማ ኣላ። ምስ ነፍስ ወከፍ ቅዱስ ተግባር ኤርትራዊያን፣ መስፈሪ ገበናት ደንበ ዕንክሊል ይመልእ እዩ ዘሎ። ቀጽልዎ ጥራይ! ይምዝገብ እዩ ዘሎ!
ወያ ኩሉ መስገደላት ዘይሓልፍ መሲልዋ፣ ኣብ 2015 ን 2016 ኣብ ጄኔቫ ተሰሊፋ ኣንጻር ህዝቢን ሃገርን እገዳታት ንኽሓልፍ ዝጨደረት፣ ናይ ወያነ ስርወ-መንግስቲ ዘይወድቕ መሲልዋ ኣብ መቐለ፣ ሃዋሳ፣ ደብረዘይትን ኣዲስ ኣበባን ተኣኪባ ጥረ ስጋን ናይ ሸክላ ጥብሲን እንዳበለዐት ኣንጻር ህዝቢን ሃገርን ምስ ደመኛ ጸላኢ ወያነ ትግራይ ወደኽደኽ ዝበለት ዕስብቲ መሓዮ፣ ደንበ ጋዕጋዕዝያን ተጋሩ፣ ደንበ ጅሃድን ገበነኛታትን ገመድ ሰቒላ ክትሕነቕ ቁሩብ እዩ ተሪፍዋ ዘሎ።
ኤርትራዊነት ዘይብተኽ ሰንሰለት!
ኤርትራዊነት ልግሲ እዩ! ኤርትራዊነት ፍቕሪ እዩ! ኤርትራዊነት ኒሕ እዩ! ኤርትራዊነት ምስትውዓል እዩ!
እዚ ፍቕሪ ሃገርን ህዝቢን ዘበገሶ ዘይተኣደነ ልግሲ ኤርትራዊያን፣ ኤርትራዊ ኣብ ዝሃለወ ሃልዩ፣ ኣብ ጎድኒ ህዝቡን ሃገሩን ምኻኑ፣ ብግብሪ ዘረገገጸ ህያው ኣብነት እዩ። ጽባሕ ድሕሪ ጽባሕ እውን ዝኾነ ካብ ባህርያዊ ይኹን ካብ ደመኛ ጻላኢ ዘጋጥም ተጻብኦ ምስ ዝህሉ፣ ኤርትራዊ ኣብ ሓደ ዓንኬል ዝዓስል ምኻኑ ዘረጋገጸ ግብራዊ መልሲ እዩ።
በቲ ሓደ ወገን፣ ኮሮናስ እንኳዕ ደኣ መጸ !
ነዚስ ኣበይ ምራእናዮ!?
