እቲ ውድቀቱ ካብ መዓልቲ ናብ መዓልቲ ዝቀላጠፍ ዘሎ ስርዓት ህግደፍ ትማሊ ኣብ ከተማ ኣስመራ ንኹለን ናይ መንገዲ ተሌፎናት (Pay phone) ፈናቒሉ ከም ዘውጸአን ምንጭታትና ካብ ውሽጢ ሓቢሮም። እዘን ተሌፎናት ነታ ብተክኖሎጂ ገና ድሕሪት ዘላ ሃገር፡ ንህዝቢ ኣብ ምርኻብ ዓቢ ተራ ይጻወታ እኳ እንተነበራ፡ ''ቀንዲ ናይ ውሽጣዊ ስርሒት መሳርሒ እየን'' ካብ ዝብል ራዕዲ፡ ንኹለን ክኣልየን ትእዛዝ ካብ ላዕሊ ስለ ዝመጸ፡ ክእለያ ተመሪጹ። ስርዓት ህግደፍ ዝሕዞን ዝጭብጦን ጠፊእዎ ነቀይ ነቀይ ኣብ ዝብለሉ ዘሎ እዋን፡ ትክን መንእሰይን መውጽኢ ኣይስእኑን ከም ዝበሃል፡ ዝዓጸኻ ተዓጸኻ፡ ዘፍረስካ ተፍረስካ ነዚ ዝተላዕለ ህዝቢ ክትዓግቶ ዝከኣል ከምዘይኮነ ዝፈልጥ ውልቀ-መላኺ ዛጊት ኣይተረደኦን።
ኣብላት ይኣክል!
Please wait, video is loading...