ስዩምዋ! እቲ ካልእ ኢትዮጵያዊ ሎሚ እትረፍ ዶ ኣብ ጎድንኹም ኮይኑ ኣንጻር ኤርትራ ክስዋእ፣ ነዛ ዓይኑ ክርእየኩም ፈንፊኑኩም እዩ ዘሎ።ሻዕቢያ ኣንጻር ትግራይ ኩናት እንተኸፊቱ፣ ናይ "ፌደራሊስት" ሓይልታት ኢትዮጵያ፣ ህዝቢ ኢትዮጵያን ኢዱ ኣጣሚሩ ኣይክርእን እዩ፣ ኣብ ጎድኒ ህዝቢ ትግራይ ኮይኑ ኣንጻር ኤርትራዊያን ክዋጋእ እዩ
ዓጀውጀው ስዩም መስፍን!
===================
(ጓል ፈዳይን ሻዕቢያ ቫይናክ) - ብቐጻሊ ነብሰ ምትሓት ዝሳቐ፣ ብጽልኣት ኤርትራዊያን ልቡ ዝከሓነ፣ ቀደም ኣብ ባህር ዳር ፖሊቴክኒክ ኮሌጅ ተማሃራይ እንከሎ፣ ኤርትራዊያን ተማሃሮ፣ ኣብ ዶርሚቶሪ መደቀሲ ምስኣቶም ምሕዋስ ከሊኦምኒ፣ ፈንፊኖምኒ፣ ኢሉ ኣብ ወግዓዊ ቃለ መጠይቕ ክዛረብ ዘይሓፈረ፣ ተወላዲ ኣውራጃ ዓጋመ ከባቢ ዓዲ ግራት ዝኾነ ንዑቕ ኣይተ ስዮም መስፍን፣ ትማሊ ኣብ ከተማ ኣኽሱም ክዓፍር ተራእዩ።
ሰይ ኮቲ!
ካብ ኣዲስ ኣበባ ሃዲምካ ኣብ መቐለ፣ ኣብ ኣኽሱም ሆቴል ተሸኒግካስ ክንድዚ ዓፈርፈር!?
እዋይ ሕፍረት ኣልቦ!?
ካብ'ቲ ኩሉ ዘገርም ድማ ስዩም መስፍን፣ ብዘይ ሕፍረት፣ ሻዕቢያ ኣንጻር ትግራይ ኩናት እንተኸፊቱ፣ ናይ "ፌደራሊስት" ሓይልታት ኢትዮጵያ፣ ህዝቢ ኢትዮጵያን ኢዱ ኣጣሚሩ ኣይክርእን እዩ፣ ኣብ ጎድኒ ህዝቢ ትግራይ ኮይኑ ኣንጻር ኤርትራዊያን ክዋጋእ እዩ ክብል ተዛሪቡ።
ኣየኸየይ!
ተጋሩ፣ በይንና ራስ ብራስ ክንዋጋእ ኢና ዶ ከይብል?
ኣየኸየይ!
ከም ቀደም ይመስለክን ውሕጅ ይወስደክን!
ቅድሚ ሕጂ ብናይ ሓሶት ፕሮፓጋንዳ፣ ኢትዮጵያ ተወሪራ ኢልኩም
እንዳበልኩም፣ ከም ወዮ ዘይስንኻ ሑጻ ቆርጥመሉ ዝተባህለ፣ ዓሰርተታት ኣሽሓት ተወለድቲ ኦሮሞ፣ ኣምሓራ፣ ጋምቤላ፣ ቤንሻንጉል፣ ደቡብ ህዝቦች ኣታሊልኩም መዝሓል ጥይትን ረጋጺ ፈንጂ ዝገበርኩሞም ተረሲዑስ ኢትዮጵያዊ ኣብ ጎኒ ትግራይ ኮይኑ ክስዋእ!? ኣየኸየይ! እቲ ካልእ ኢትዮጵያዊ ሎሚ እትረፍ ዶ ኣብ ጎድንኹም ኮይኑ ኣንጻር ኤርትራ ክስዋእ፣ ነዛ ዓይኑ ክርእየኩም ፈንፊኑኩም እዩ ዘሎ።ኦሮሞ ኣሎ በሎ፣ ኣምሓራ ኣሎ በሎ፣ ጋምቤላ ኣሎ... በሎ ነዚ ትምክሕተኛ ኤርትራዊ
ስዩምዋ!?
- ነቲ ኣብ ኩናት ዝሞተ ኢትዮጵያዊ 3 ሺሕ ብር ጥራይ ናይ "ሞት ካሕሳ" ኢልካ ንስድራ ቤት መወትቲ ደበስ ኢልካ ዘላገጽካሎም ረሲዕኻዮ ዲኻ?
- ድሕር ብይን ኮሚሽን ዶብ፣ ካብ ነፋሪት ወሪድካ፣ እንዳላህላህካ፣
ኢልካ ንህዝቢ ኢትዮጵያባድመ ንዓና ተፈሪዳ ኣላ፣ ዝሓተትናዮን ዘይሓተትናዮን መሬት ንዓና ተዋሂቡ
ኢልካ ዝሓሰኻዮ ረሲዕኻዮ ዲኻ?ናብ ጽርግያ ወጺእኻ ሓጎስካ ግለጽ
- ሎሚ ንስኻን ጃንዳኻን ኣብ ልዕሊ ህዝቢ ኢትዮጵያ ብዝፈጸምኩሞ ዘይተኣደን ገበን፣ ትግራዋይ በቲ ካልእ ኢትዮጵያዊ ከም ሓርኢ ዝተንከፈ ዕንጸይቲ ተፈንፊኑ ከምዘሎ ኣይትፈልጥን ዲኻ? ኣብ'ቲ ካልእ ክልላት ኢትዮጵያዊ፣ "ትግራዋይ እየ" ምባል ዘሕፍር፣ ዘስግእ ኮይኑ ከምዘሎ ኣይነገሩኻን ድዮም?
እሞሲ፥
ስዩምዋ፣ ዓቕምኻ ጽወ! ኣብ 1998 ዘይኮንናስ 2020 ኢና ዘለና። ኢትዮጵያዊ ነቒሑ እዩ። ዘልምዖን ዘጥፍኦን ኣጸቢቑ ፈሊጡ እዩ። ብዝሓለፈ'ኳ ይጠዓስ እዩ።
ክትዋጋእ እንተሓሲብካ፣ ነቶም ብዝተሰርቀ ገንዘብ ህዝቢ ኢትዮጵያ፣ ኣብ ደገ ተምህሮም ዘለኻ ደቅኻን ደቂ ናይ ቀትሪ ኣዛብእ መሳቱኻን ኣኽትቶም ኢኻ።
እንተ ንሕና ኤርትራዊያን'ሞ፣ ምስ'ቲ ረዚን መንግስትና፣ እትረፍ ዶ በቲ ንስኻን መሰልትኻን እትዓፍርዎ ዘለኹም ክንሰናበድ፣ ከም ድራማ ቆጺርና ኢና መስሓቒ ንጥቀመልኩም ዘለና።
ኣነ ዝብል!?
ኣብ'ዛ ክልልቲ ትግራይ፣ ሕፍረት፣ ዒብ፣ ሰብ እንታይ ክብለኒ ዝብላ ቃላት ትርጉም ድዩ ዘይብለን ኮይኑ?
እዋይ ትግራይ ዝብሉኺ!?
