"ካብ ዓበይቲ ዜናዊ ፍጻሜታት - ኣብ ሰሜናዊ ቀይሕ ባሕሪ" " ኣብ ቅኒያት መበል 30 ዓመት ዝክሪ ሓበን ስርሒት ፈንቅል"
Posted: 27 Jan 2020, 14:15
ባጽዕ -ኣብ ዕቃበ ቅርሲን ባህላዊ ውርሻን ዝዘተየ ዋዕላ ተቓኒዑ! ብኮምሽን ባህልን ስፖርትን ዞባ ሰሜናዊ ቀይሕ ባሕሪ ዝተወደበ ኣብ'ቲ ዞባ ኣብ ዝርከብ ታሪኻዊ ኣገዳስነትን ቱሪዝማዊ ስርሓትን ዘለዎ ሓድግታትን ባህላዊ ውርሻታትን ንምዝታይ ኣብ ከተማ ባጽዕ ዋዕላ ተካይዱ::
ኣብ'ቲ ናይ ሓደ መዓልቲ ዋዕላ፡ሓድግታት ንምክንኻንን ንምዕቃብን ክውሰድ ኣብ ዘለዎም ስጉምትታት ሰፊሕ ምይይጥ ተኻይዱ።
ኣብ'ቲ ዞባ ፡ኣዝዩ ሃብታም ውርሻዊ ጸጋታት ከምዘሎ ዝገለጸ፡ሓላፊ ጨንፈር ባህሊ ኣቶ ዮውሃንስ ገብረየሱስ፡ንቕሓት ዘበርኽ ንጥፈታት ብምክያድ ብግቡእ ንምዕቓቡ ዝተጀመረ ዕዮ ብዝሓየለ ምቅጻል ከምዘድሊ ኣረዲኡ።
ኣብ'ቲ ዋዕላ ገለ ቅርስታት ይዓንውን ይጠፍኡን ከምዘለው።
እቶም ቀንዲ ጠንቅታት ድማ ፡ትሕተ -ቅርጻውን ልምዓታውያን መደባትን ባህርያዊን ሓደጋታትን ከምዝኾኑ ክጥቀስ እንከሎ ፡ድፋዓትን ደጀንን ሰውራ ኤርትራ ፡ጥንታዊ ህንጻታት ባጽዕን ጥንታዊ መስጊድ ስሓባን ገለ ካብቶም ሓደጋ ኣንጸላሊዎም ዘሎ ኣገደስቲ ሓድግታት ከምዝኾኑ ተሓቢሩ፡፡
ኣማሓዳሪ ዞባ ሰ/ቀ/ባሕሪ ብ/ጀነራል ተኽለ ልብሱ ፡ባህላዊ ውርሻን ታሪኻዊ ቅርስታትን ምስ መንነትና ዝተተሓዘ ብምዃኑ ፡ብዕምቆት ክዝተየሉን ንድሕነቱ ስጉምቲታት ክውሰድን እዋኑ ከምዝኾነ ኣገንዚቡ!
