ናይ ሎሚ ናይ Thames Magistrate Court ዉዕሎ'ውን ብዓወት ሓቀኛ ኤርትራውያንን፡ ብዓወት ምዑት ያቆብ ገብረመድህን ተዛዚሙ። ሓሰናን ሓሰናውያንን፡ ከነእስሮ ኢና ድሕሪ ሕጂ ብያቆብ ኮነ ከምናቱ ሓሳባት ወይ ዕላማ ዘለዎም ካሎኦትን ከምኡ ዝመሰለ ስርሒት ከምዘይደግሙ ጌርና መወዳእታ ከምዝህልዎ ክንገብር ኢና፡ ነዚ ከነተግብር ዘኽእሉና ከኣ ብሉጻትን ብኣህጉራዊ ደረጃ ስም ዘጥረዩን ጠበቓታት ኣዋፊርና ኣሎና እናበሉ ክፍክሩ ምቕናዮም ጥራይ ዘይኮነ፡ ነዚ'ውን ከም ካብ ኣባጅጎ ዝወረደ ዕድል ወይ መመዝመዚ ብልሒ ተጠቒሞም፡ እቲ ልሙድ ናይ ልመና ባህሎም ከተግብሩ ተዋፊሮም ቀንዮም። ነዞም ፍሉጣት ናይ ዓለም ጠበቓታት ክንቆጽር እንተዀንና ግን ብውሕዱ $20,000 ወይ ከኣ £15,000 ስተርሊንግ ከድልየና እዩ'ሞ ቅለቱና ክብሉ ቀጺሎም ኣለዉ።
ኣብቲ ናይ ሎሚ ዉዕሎ ክንምለስ፡ ሓሰና ብጠበቓታቱ ኣቢሉ ፈራዲ ንኸእምን፡ ያቆብ ብእንቋቕሖን ሓርጭን ጸባን ጥራይ ኣይኮነን ኣጠሚቑኒ፡- ማህረምቲ'ውን ኣጋጢሙኒ'ዩ ብሰንኩ እናሓንከስኩ እየ ዝኸይድ ምስ ብርቱዕ ቃንዛ፡ ናይ ሓንጎል ጭንቀት'ውን ፈጢሩለይ ኣሎ፡ ብግቡእ ምድቃስ እውን ስኢነ ኣለኹ (ያቆብ እናተራእዮ ክብህርር ተካል ይሓድር ኣሎ ማለት'ዩ) ኢሉ ኣማረረ።
ፈራዳይ ነዚ ኩሉ ምስ ሰምዐ፡ ነቶም ጠበቑኡ ጭብጢ ኣለኩም'ድዩ ኢሉ ምስሓተተ፡ ናይቲ ከባቢ CCTV መሊእዎ ክኸውን ስለዝኽእል ክፍተሸልና ሓቲትና ኣሎና ስለዝበሉ፡- እምበኣር እቲ ትሕዝቶ CCTV ስጋብ ዝርከብ ኣሞ ትሕዝቶኡ ቤት ፍርዲ ርእዩ መታን እቲ ሓቁ ክጻረ፡ መስርሕ ፍርዲ ስጋብ 18/02/2020 ተሓላሊፉ ኣሎ ኢሉ ወሰነ፡ ንያቆብ ብጠበቓኡ ጊሩ ድማ፡ ንስኻ'ውን ኣንጻር ሓሰና ዘሎካ ኩሉ መርትዖታት ሒዝካ ኣብቲ መዓልቲ ከተቕርብ ዕድል ተዋሂቡካ ኣሎ ኢሉ ፈራዳይ ደምደመ።
ስለዚ ያቆብ ከምቲ ዝተፈከሮ ከይተኣስረ እናሰሕቐ፡ ሓሰናን ሓሰናውያን ከኣ ከም'ቲ ዝሃቀንዎ ከይኮነሎም ሓፊሮም ካባ ስዕረት ተወንዚፎም ተፋኖና።
ኣብ ናይ 18/02/2020 ዉዕሎ ከምንዕወት'ውን ዘጠራጥር የለን። እቶም ንያቆብ ናይ ሞራልን ገንዘብን ድጋፍ ዝገበርኩም ኣብ ኩሉ ኩርናዓት ዓለም እትርከቡ ኣሕዋት/ኣሓት ድማ ምስጋና ይብጻሕኩም፡ የቐንየልና!!!
(Courtesy of Berekhet Fessehatzion)
