Mereja.Forum

"ንህዝቢ ትግራይ ብዕሊ ይቕሬታ ዘይትሓቱ?" ተሳተፍቲ ፖለቲካዊ ዘተ ኢዜማ

ቅድሚ 2 ሰዓታት

እዚ ምስ አካፍል Facebook
እዚ ምስ አካፍል Messenger
እዚ ምስ አካፍል Twitter
እዚ ምስ አካፍል ኢ መይል

ሓበራዊ ምሃብ

ናይ ምስሊ መግለጺ ተሳተፍቲ ፖለቲካዊ ዘተ ኢዜማ

ማሕበራዊ ፍትሒ ንዜጋታት ኢትዮጵያ (ኢዜማ) ኣብ መቐለ ዝፀወዖ ህዝባዊ ኣኼባ ኣብ መቐለ ኣደራሽ ማዘጋጃ ቤት ኣካይዱ።

እዚ ግንባር ካብ ዝምስረት ሰለስተ ኣዋርሕ ዘቑፀረ ኮይኑ፡ እቲ ግንባር ኣብ ደገ ኾይኖም ኢህወዴግ ክቃወሙ ዝፀንሑ ጉንበት 7ን 'ግንባር ሓርበኛታት'ን ወሲኹ፡ ብርክት ዝበሉ ውድባት ኣጣሚሩ ዝሓዘ ሃገራዊ ጥምረት እዩ።

ኣብ ዝሓለፈ ዓመት ብይቕረታ ዝተፈትሑ ምክትል ኣቦ መንበር እቲ ግንባር ኣቶ ኣንዱኣለም ኣራጌ ኣብ መእተዊ መደረኦም፡ ገለ ሰባት "ንትግራይ ከይድካ ህዝባዊ ኣኼባ ምክያድ ዳርጋ ናብ ሰሜን ኮርያ ከይድካ ሰላማዊ ሰልፊ ምፅዋዕ እዩ ዝቑፀር" ከምዝበሉዎም ዘኪሮም፡ "ትግራይ ግን ዓደይ እዩ፤ ጭውነት ህዝቢ ሎሚ እውን ተዓቂቡ ረኺብናዮ" ኢሎም።

ብሰንኪ ውድብ ጉንበት 7 ከንፀባርቖም ዝፀንሖ ቅዋማትን፡ ምስኡ ሓቢሩ ክስርሕ ዝፀንሐ ኢሳት ዝበሃል መድብር ቴሌቭዥን ዘሕለፎም ፀብፃባት፡ ኣብ ትግራይ ብዙሕ ቅርሕንቲ ክፈጥርን ፀኒሑ እዩ። ብፍላይ እቲ ሚድያ ትካል፡ ብገበን ክኽሰስ'ውን ምንቅስቓስ ተጀሚሩ ነይሩ።

ሓደ ዓመት፡ ናይ 'ምድማር'ዶስ ምጉዳል?
ዕድልን ፈተናን ዘንጸላለዎ ናይ ኣብዪ ኢህወዴግ
"እዚ መንግስቲ ኣይውክለናን ንዝብሉ፡ ምርጫ መልሲ ክህብ እዩ"

እቲ ህዝባዊ መድረኽ ንተሳተፍቲ ክፍቲ ምስኮነ፡ ብርክት ዝበሉ ሕቶታትን ርእይቶትን ቐሪቦም። ካብቶም ዝቐረቡ፡

ብፍላይ፡ "ፀረ ህዝቢ ትግራይ ዝሰብኩ ዝነበሩ ኣመራርሓ እቲ ውድብ ሒዝኩም ቅድሚ ዕላማኹም ምዝርዛር፡ ንህዝቢ ትግራይ ብዕሊ ይቕሬታ ዘይትሓቱ ንምንታይ?" ዝብል ብስፍሓት ይንፀባረቕ ነይሩ።

ነቲ መድረኽ ዝመርሑ ኣመራርሓ ኢዜማ፡ ኣቶ ኣንዱኣለም ኣራጌ ምላሽ እንትህቡ፡ "ዝግበአና ብግልፂ ነጊርኩምና ኣለኹም፡ ኣይሓደግኩምልናን እዚ ድማ ግቡእ እዩ" ኢሎም።

"ብዛዕባ ይቕሬታ: 'በል' ተባሂሉ ተይኮነስ እቲ ዝበደለ ባዕሉ ተሰሚዕዎ እዩ ይቕሬታ ክሓትት ዘለዎ። ስለዚ እቶም ዝበደሉ ንህዝቢ ይቕሬታ ይሕተቱ። ንሕና ኣብ ቤት ማእሰርቲ ኢና ነይርና። ክትዛረቡ እንተለኹም ካብ ልበይ እዩ ተሰሚዑኒ፡ ማዕረ ክንደይ ከምዝተሰመዐኩም ምርዳእ ክኢለ እየ"

"ብ1997 ዓ.ም 'ትግሬ ወደ መቀሌ ንብረቱ ወደ ቀበሌ' እንትበሃል ኣበይ ነይርካ ንዝበልኩምኒ፡ ኣብ ቤት ማእሰርቲ እየ ነይረ: መን? ኣበይ? ከምዝበሎ ኣይሰማዕኹን። ኮይኑ ግን ብህዝቢ ትግራይ ይኹን ብኻልእ ህዝቢ ዝመፅአኒ ሓይሊ ፀላእየይ እዩ" እንትብሉ መሊሶም።

"95 ን5 ዝብል ኣብ ኢሳት ዝተዘርበ ሻቡ እውን ኣብ ቤት ማእሰርቲ እየ ነይረ። ግን ዝበሎ ይበሎ ህዝቢ ንህዝቢ ዘጋጭው መደረ ኣይቅበልን፤ ኣምሪረ እኹንን" ኢሎም ኣቶ ኣንዱኣለም።
ናይ ምስሊ መግለጺ ሓለፍቲ ፖለቲካዊ ዘተ ኢዜማ

እቶም ዝቐረቡ ገለ ሕቶታት ብፍላይ ንኣቦ መንበር ፕሮፌሰር ብርሃኑ ነጋ ዝምልከቱ እንትኾኑ፡

"መራሒ ግንቦት 7 ፕሮፌሰር ብርሃኑ ኣብ ኢዜማ ምህላዉ ንዓና ኢድና ሒዙ ክጠውየና ኣይኽእልን" ኢሎም።

"ፕሮፌሰር ብርሃኑ ፀላኢ እዩ" ዝብል ኣብ ዝተፈላለዩ ከባቢታት ኢትዮጵያ ዝዝረብ "ጌጋ እዩ" ዝብል ምላሽ ሂቦም።

ኢዜማ ኣብ መረፃ 2012 ዓ/ም ዘለዎ መርገፂ እንታይ ከምዝኾነ ዝእምት ሕቶ'ውን ቐሪቡ።

"ህዝቢ ኢትዮጵያ ብዝመረፅናዮ ክንመሓደር ኣለና ኢሉ ብፅንዓት ስለዝኣምን ሎሚ ዓመት መረፃ ክካየድ ኣለዎ። ነገር ግን ርትዓዊ መረፃ ክኸውን ኣለዎ። ቅድሚኡ ክማልኡ ዝግበኦም ቅድመ ኩነት ሓቲትና ኣለና። እዚ ቅድሚ እቲ መረፃ ይገንዶ ዝብል ኣብ ሕቶ ዝወድቕ እዩ።

"ስለዚ ኣብ ግዜኡ'ዶ የርክብ ዝብል ስግኣት ኣለና ኢና ዝበልና" ኢሎም ኣይተ የሺዋስ ዝተሓተቱ እንትምልሱ።

"ዜግነታዊ ፖለቲካ እንታይ ማለት እዩ? ብስሩ እንታይ ዓይነት ፖለቲካዊ ፍልስፍና ኢኹም ትኽተሉ?" ዝብሉ ሕቶ እውን መምህር ኣድሓኖም ዝተብሃሉ ተሳታፋይ ኣቕሪቦም። ኢዜማ ኣብ ዓርሰ-ምሕዳራ ዝኣምን ኣብ ኩሎም ክልላት ኣባላት ዘካተተ ኮይኑ ግን ኣብ ዓሌትን ዘርእን ዘየድህብ ፖሎቲካዊ ውድብ ምዃኑ'ውን ካልእ ኣመራርሓ እቲ ግንባር ኣይተ የሺዋስ ኣሰፋ ኣብሪሆም።

ዜግነታዊ ፖለቲካ እንታይ ማለት እዩ ንዝብል ሕቶ፡ "ውድብና መሰል ሓደ ሰብ እንተተጋሂሱ መሰል ህዝቢ ይርገፅ ኢሉ ይኣምን" ኢሎም።

ከምኡ'ውን ኣቶ ኣማረ ተወልደ ዝተብሃሉ፡ "ቅድሚ ሎሚ ኣብ ኢትዮጵያ ኢህወዴግ ኣብ ዝፈጠሮ ጌጋታት ብኸመይ መንገዲ እዩ ህወሓት በይኑ ዝሕተተሉ" ክብሉ ሕቶ ኣቕሪቦም።

ሃይለማርያም ሕሉፍ(ታይሰን) ኣባል ውድብ ዴሞክራስያዊ ትሕብብር ትግራይ"ቃይሕ ባሕሪ ኣሕሊፉ ዝሃበ ውድብ ህወሓት ሎሚ እውን ኣብ ትግራይ ይቕጥቅጠና'ሎ ኣናግፉና" ይብል።

"ህወሓትን ህዝቢ ትግራይን ሓደ እዩ ኢለ ኣይኣምንን" ምስበሎ ካብ ህዝቢ ሓያል ተቓውሞ ተሰሚዑ። ኣይተ የሽዋስ "እምነቱኩም እሰምዕ ኣለኹ፡ ኣነ ኣይኣምነሉን እየ ዝብለኩም ዘለኹ" ብምባል ከህድኡ ፈቲኖም።

ኣይተ ኣንዱኣለም ኣራጌ ብወገኑ "ትግራይ ናይ በይንና ኢያ እትብልዎ ዘረባ ግን ደው ኣብሉ" ኢሎም።

ሕገ መንግስቲ ትቕበልዎ'ዶ ንዝብል ሕቶ፡ ንኣምነሉን ንቕበሎን ኣሎ ድሕሪ ምባል፡ ''ይሰረዝ ኣይበልናን ዝመሓየሽ ግን ኣለዉ ኢልና ንኣምን፡ እዚ ድማ ብውሳነ ህዝቢ ዝፍፀም እዩ ዝኸውን" ክበል መሊሶም። ብተወሳኺ፡ እቲ ግንባር ፌደራላዊ ስርዓት እምበር ኣሃዳዊ መንግስቲ ንምህናፅ ዝቃለስ ውድብ ከምዘይኮነ ኣገንዚቡ።

ብዛዕባ ሞት ኢንጅነር ስመኘው ኮነ ሞት ጀነራላትን መራሕቲ ክልል መብርሂ ክህብ እንከሎ ድማ፡ ዝኾነ ዘፈልጥዎ ከምዘይበልም ኣመልኪቶም።

"ብስሩ'ውን ቅድሚ ሰለስተ ወርሒ ኢና ተመስሪትና። በቲ ተግባር ግን ሓፊርና ኢና" ኢሎም እዚ ብዝምልከት ንዝቐረበሎም ሕቶ ምላሽ እንትህቡ።
ናይ ምስሊ መግለጺ ሓለፍቲ ፖለቲካዊ ዘተ ኢዜማ

"ታሪኽ ኢትዮጵያ ናይ ሰለስተ ሽሕ እዩ ኣይትበሉና: ታሪኽ ኣኽሱም ልዕሊኡ እዩ" ዝብል ርኢቶ ዝቕረቡ ተሳታፊ፡ "ኣብ ኮምሽን ወሰንን መንነትን ዘለኩም ቅዋም ንገሩና" ክብሉ ሓቲቶም።

ኣይተ ኣንዱኣለም ኣብ መዛዘሚ "ኢዜማ ናይ ዶ/ር ኣብዪ እዩ ዝብል ተቐባልነት ዘይብሉ ወረ እዩ:: ንዚ ውድብ ንምምስራት ኣብ ቤት ማእሰርቲ እንተለና (ገና ዶ/ር ኣብዪ ናብ ስልጣን ቅድሚ ምምፅኡ) ኢና ሓሲብናዮ። "ኣነ እውን ከማኻትኩም ቁስሊ ኣለኒ:: ኩሉ ገዲፍና ብዛዕባ ሃገር ንሕሰብ።

"ምምሕዳርን ሓይልታት ፀጥታ ከተማ መቐለ ንዝገበሩልና ምትሕግጋዝ ክብሪ ይሃበልና!" እንትብሉ ተሲኦም ኣመስጊኖም።

ኣብ ማሕበራዊ ምድያ፡ ገለ ነጠፍቲ እቲ ግንባር ንምቐለ ክኣቱ ንምንታይ ተፈቐደሉ: ኢሎም ክኽልከል ጎስጏስ ከካይዱ ፀኒሖም እዮም።

ገሊኦም ድማ መሰሎም እዩ። ጥራሕ ዘድሊ ሕቶ ክነቕርበሎም ይግባእ ብዝብል ክካትዑ ተስተውዒሉ እዪ።

ነቲ ህዝባዊ ኣኼባ ዝተኸታተለ ሪፖርተርና ግርማህ ገብሩ ግን፡ ብርቱዓት ሕቶታት ካብ ምቕራብ ወፃኢ እብቲ መድረኽ ዘጓነፈ ናይ ፀጥታ ፀገም ክምዘየለ ሓቢሩልና።
ዛንታ ኣባፅሑ ብዛዕባ ምብፃሕ