Mereja.Forum

“ሰዓት 10:00 ኣቢሉ፡ ነፋሪት ብልዕሊ ዝባን ደንደን (ኣብቲ እዋን’ቲ ደንደን ከም ዝበሃል ኣይንፈልጦን ነይርና) ገፈፍ እናበለት ክትመጽእ እንከላ፡ ቅድሚ ድምጻ፡ ሊላ ክትመስል ብኣካል ረኣናያ። “መጺኣ! መጺኣ!” ኢልና ብህጹጽ ኣብ ምድላው አተና። ደሽካና ናብ ጸረ-ኣየር ለዊጥና ድልውነትና አረጋገጽና። _ _ _ ”

እታ ቅድሚ ዓመት ንመጀመርታ ግዜ ኣብ ልዕሊ ናቕፋ መጥቃዕቲ ዘካየድናላ ዕለት 27 መስከረም ኣርከበት። ኩልና ተጋደልቲ መመዝገብና ሒዝና ተዅሲ ዝጅመረሉ ናይ ዜሮ ሰዓት ተጸበና። ሰዓት ክንደይ ተዅሲ ከም ዝጅመር፡ ብዘይካ እቶም ዝምልከቶም ሓለፍቲ፡ ዝፈልጥ ኣይነበረን። መሬት ወጊሓ፡ ጸሓይ’ውን በረቐት። ምብራቓ ጥራይ ዘይኰነ፡ ሰዓት ብሰዓት እናተተኻኽአ ምድሪ ኣጸቢቑ ረፈደ። “ተዅሲ ደኣ መዓስ ድዩ ዝጅመር፧ ግዜ’ምበር ሃዲሙ፧” በለኒ እቲ ምሳይ መድፍዓጂ ዶሽካ ዝነበረ ብጻይ ወልደገርግሽ። “እንታይ’ሞ ፈሊጠ!” ካብ ምባል ሓሊፈ ካልእ ዝሃብኩዎ መልሲ አይነበረን። ካብ’ቲ ዶሽካና ተተኺሉሉ ዝነበረ በሪኽ ጎቦ ሓላይ፡ (ሓላይ መአዘዚ ቦታ ኣባል መሪሕነትን ኣዛዚ ከበባ ናቕፋን ዝነበረ ዓሊሰይድ ዓብደላ’ያ ነይራ) ኣማዕዲና ናብ ናቕፋ ገጽና እንተ ጠመትና፡ ጸላኢ፡ ንመጥቃዕቲ ተዳሊና “ጀምር!” ዝብል ትእዛዝ ንጽበ ከም ዝነበርና፡ ሓበሬታ ከም ዘይነበሮ ዘረድእ፡ ገለ ተሰሪዑ፡ ገለ ብውልቂ ኣብ ማእከል ከተማ ናቕፋ ካብ-ናብ ተውዛሕዛሕ ይብል ነበረ። ገጽ 151

Meleket wrote: ↑

02 Sep 2019, 05:14

ንደንደን ወሊዱ ካብ ተባህለ አዳል፣
አዳል’ከ ንርእሱ ፍረመን ይበሃል፧

ታሪኽ እምቢታና ኩሉ እንተዝግንጸል፣
አቦ ደንደን አዳል አይዀነን እቲ አወል፣
ድሙቕ ታሪኽ ኣሎ ከቶ ዘይኽወል።

ንቱርኪ መኸተ ንምስሪ መኸተ፣
ንትግራይ መኸተ ንጥልያን መኸተ፣
ንእንግሊዝ መኸተ ንጦቢያ መኸተ፣
ኣብዚ’ዩ ዚጥርነፍ አዳል ምስ ዓዋተ!!!

ኣይበቖለን አዳል ትም ኢሉ ብርእሱ፣
‘ንደንደን ኪወልድ’ ታሪኽ ተተርኢሱ፣
ታሪኽ ሮብሮብያ፣ ሓዝሓዝ ተወከሱ፣
ታሪኽ ናይ እምብለይ ናይ ሓላይ ሰልሱ።


ንሓቂ ምስ ገለጽና ንሓሶት ነሸቍርራ፣
ንጸላኢ ጥምረትና መሬት ነንገርግራ፣
ፍለጡና በሉ ንሕና ኢና ኤርትራ ራ ራ ራ!