Center for research and documentation ማእከል ምርምርን ስነዳን ግዱሳት ሃገራዉያን
ኣብ ስምምዕ ተበጺሑ
===
ኤርትራን ግብጽን ወደብ ባጽዕን ዓሰብን ወደብ ማርሳ ፋጥማን ሓቢረን ከማዕብላ ኣብ ስምምዕ በጺሐን።
“Affirmed that the two sides have reached a cooperation agreement on the sectors of mining, infrastructure, housing, the pharmaceutical industry, maritime transport, ports connectivity as well as ports development especially in Assab, Massawa and Marsa Fatima; and, land, air and maritime connectivity between the two countries” @hawelti
ሚኒስተር ዜናን ሓበሬታን ኤርትራ ኣቶ የማነ ገ/ መስቀል፥
ኤርትራን ግብጽን ሎሚ ድሕሪ ቐትሪ ኣብ ዝተኻየደ ዘተ ኣብ መንጎ ሚኒስተር ጉዳያት ወጻኢ ኤርትራ ኣቶ ኦስማን ሳልሕን ሚኒስተር ጉዳያት ወጻኢ ግብጺ ዶ/ር ባድር ኣብደላቲን፣ ንኹሉ መዳያዊ ርክባት ምትሕብባሮም ከደልድሉን ኣብ ጉዳያት ሓባራዊ ረብሓ ዘለዎም ድማ ዕዮታቶም ከወሃህዱን ተሰማሚዖም።
ድሕሪ እቲ ዘተ ኣብ ዝተኻየደ ሓባራዊ ጋዜጣዊ መግለጺ፣ ክልቲኦም ሚኒስተራት ጉዳያት ወጻኢ፦
ሀ) ነቲ ኣብ መንጎ ኤርትራን ግብጽን ዘሎ ታሪኻዊን ሕውነታዊን ርክብ ከምኡ’ውን ነቲ ብ8 ሰነ ኣብ ካይሮ ኣብ መንጎ ፕረዚደንት ኢሳያስ ኣፈወርቂን ፕረዚደንት ኣብደል ፈታሕ ኣል-ሲሲን ዝተኻየደ ሰፊሕ ዘተ ኣስተውዒሎም።
ለ) ክልቲኦም ወገናት ኣብ ዓውድታት ማዕድን፣ መሰረተ ልምዓት፣ መንበሪ ኣባይቲ፣ ኢንዱስትሪ መድሃኒት፣ ባሕራዊ መጓዓዝያ፣ ምትእስሳር ወደባት ከምኡ’ውን ምዕባለ ወደባት ብፍላይ ኣብ ዓሳብ፣ ምጽዋዕን ማርሳ ፋጢማን፣ ከምኡ’ውን መሬታዊ፣ ኣየራዊን ባሕራዊን ምትእስሳር ክልቲኡ ሃገራት ዝምልከት ስምምዕ ምትሕብባር ከም ዝበጽሑ ኣረጋጊጾም።
ሐ)ግብጺ ንሉኣላውነትን ምሉእ መሬታዊ ሓድነትን ኤርትራ ዘለዋ ምሉእ ደገፍ ድማ ደጊማ ኣረጋጊጻ።
መ) ብዛዕባ ድሕነት ቀይሕ ባሕርን ናይቲ ዞባ ብምሉኡን፣ ክልቲኦም ወገናት ዓቕሚ ሃገራዊ ትካላት ምድልዳል መሰረት ርግኣትን ልምዓትን ምዃኑ ብምጥቃስ፣ እዚ ድማ ምስቲ ኣብ መንጎ ክልቲኦም ወገናት ተደጋጊሙ ዝተገልጸ ኣብ መትከላት ሕጊ ዓለም ዝተመስረተ ሉኣላውነትን መሬታዊ ሓድነትን ኩለን ሃገራት ክኽበር ዝብል ሓባራዊ መርገጺ ዝሰማማዕ ምዃኑ ኣረጋጊጾም።
እቶም ክልተ ሚኒስተራት ጉዳያት ወጻኢ ብተወሳኺ፣ ኣብ ካይሮን ኣስመራን ኣብ መንጎ ዝምልከቶም መንግስታዊ ኣካላት ክልቲኡ ወገናት ዝካየዱ ወቕታዊ ምኽክራት ክቕጽሉን፣ ኣብ ዞባዊን ዓለማዊን ጉዳያት ድማ መርገጺታቶም ከወሃህዱ ምዃኖም ኣረጋጊጾም።
ኣብ ስምምዕ ተበጺሑ