ተራ ቢንያም ኣብ ሓዳስ ክለቡ እንታይ እዩ፧
ሙሴ ገ/እግዚኣብሄር @shabait
ኤርትራዊ ተቐዳዳማይ ብሽክለታ
ቢንያም ግርማይ፡ ካብታ ንኣስታት ሓሙሽተ ዓመታት ዝተጻወተላ ቤልጂማዊት ክለብ ኢንተርማርሸ ዋንቲ ተፋንዩ፡ ናብ ሓዳሽ ክለብ ኤን.ኤስ.ኤን (NSN) ሳይክሊን ቲም ምስግጋሩ ይፍለጥ።
ቢንያም፡ ጋንታኡ ዝነበረት ኢንተርማርሸ፡ ምስ ናይ ሃገራ ክለብ ሎቶ ብምሕዋሳ እዩ፡ ክሳብ 2028 ዝጽንሖ ውዕል ብናይ ሓባር ምርድዳእ ኣፍሪሱ፡ ናብ ኤን.ኤስ.ኤን ተጸምቢሩ ዘሎ።
ኤን.ኤስ.ኤን (NSN ናይ Never Say Never ኣሕጽሮታ እዩ)፡ ንገዲም ካናዳዊ ተቐዳዳማይ
ሚካኤል ውዱስን ኣርባዕተ ግዜ ንዙር ፈረንሳ ዝተዓወተሉ
ክሪስ ፍሩስን ኣፋኒያ፡ ንዝተረፉ ኩሎም ተቐዳደምታ ሒዛቶም ኣላ። ንጸሊም ኣልማዝ ኣፍሪቃዊ ኤርትራዊ ቢንያም ግርማይ ዝርከብዎም ገለ ተቐዳደምቲ ከኣ፡ ወሲኻ ትርከብ።
ቢንያም፡ ኣብ ኢንተርማርሸ እንከሎ፡ ብደረጃ ክለቡ፡ ሃገሩ ኤርትራ፡ ኣህጉሩ ኣፍርቃን ዓለምን ቅድሚ ሕጂ ኣፍሪቃውያን ተቐዳደምቲ ዘይበጽሕዎ ብርኽት ዝበሉ ዓበይቲ ዓወታት ኣመዝጊቡ እዩ።
ብዓቢኡ፡ ኣብ ዙር ፈረንሳ 2024፡ ሰለስተ መድረኻት ብምዕዋት፡
ንፈለማ ግዜ ቀጠልያ ማልያ ዙር ፈረንሳ ዝተዓወተ ኣፍሪቃዊ ተቐዳዳማይ
ተባሂሉ።
ከም ውጽኢቱ፡ ሓደ ካብቶም ኣብ ዓለም ኣለዉ ዝበሃሉ ዝበለጹ ናይ ቅጽበታዊ ውድድር ተቐዳደምቲ (Best Sprinters) ተሰሪዑ፣ ወርትግ ኣብ ነፍሲ ወከፍ ውድድር ምስቶም ናይ ምዕዋት ግምት ዝወሃቦም ብሉጻት ሸዀኽቲ ክስራዕ ከኣ ክኢሉ።
ምስታ ዓቢ ዕድል ዝኸፈተትሉ ክለቡ ኢንተርማርሸ ብሓባር ብዙሕ ታሪኽ ዝጸሓፈሉ ምዕራፍ ተመሳጊኑ ዓጺዩ ድማ፡ ንዝበለጸ ምዕራፍ፡ ናብታ ብሓዲሽ ውዳበን ስምን ነቒላ ዘላ ክለብ ተጸምቢሩ ኣሎ።
ኣብዛ ክለብ፡ ከምቲ ኣብ ኢንተርማርሸ ዝነበሮ ተራን መሪሕነትን ይወሃቦ’ዶ፧ ዝብል ሕቶ ክለዓል ድማ፡ ናይ ግድን እዩ።
እቲ መልሲ - እወ እዩ።
ተራን ረብሓን ቢንያም፣
- ቀዳማይ መራሒ ጋንታ፣ ክሳብ 2028 ዘጽንሖ ውዕል ዝፈረመ ቢንያም፡ እምነ ኵርናዕ ናይቲ እዛ ጋንታ እትሓልሞ ዓወታት ክኸውን እዩ ዝግመት። እዛ ጋንታ፡ ኣብ ዓበይቲ ዙራት (ግራንድ ቱር) ከም ዙር ፈረንሳን ጂሮ ዲ ኢጣልያን፡ ከም መራሒኣ ገይራ ከተእትዎ ምዃና ይግለጽ። ብተመሳሳሊ ኣብቶም ዝምእምእዎ ቅድሚ ሕጂ ዝተዓወተሎምን ክዕወተሎም ዝሕልንን ናይ ሓደ መዓልቲ ውድድራት መሪሕዋ፡ ሓደስቲ ዓወታት ከመዝግብ ትጽቢት ይግበረሉ።
ብምምጻእ ቢንያም፡ ፍናን ምርካቦምን እዚ ኤርትራዊ ተቐዳዳማይ ኩሉ ብዛዕባ ብሽክለታ ዝፈትውዎ ነገራት ከምዝጸንሖምን ዝገለጸ ኣካያዲ እዛ ጋንታ
ጀል ካርልስትሮም፡
ሓደ ካብ መራሕቲ ጋንታናን ንተቐዳደምትና ዘበራትዕን ከምዝኸውን ኣይጠራጠርን
ብምባል፡ ቢንያም ኣብታ ጋንታ ናይ መሪሕነት ተራ ከምዝህልዎ ኣረዲኡ።
ቢንያም’ውን፡ እዛ ጋንታ ኣብ እዋን ሽኳ እትሰርሖ መስመር ናይ ሽኳ (Sprint train) መሲጥዎን ከምዝምእምኦን ኣሚኑ እዩ፡ ብኩሉ መዳያ ሓሲቡ መሪጽዋ ዘሎ። ኤን.ኤስ. ኤን፡ ኣብተን ቢንያም ክዕወተለን ዝኽእል ውድድራት ወይ መድረኻት፡ ንእኡ ዝጥዕም ስትራተጂ ሒዛ፡ ነዛ ጋንታ ኣብ ዙርያኡ እንተሃኒጻታ፡ ዘይዕወተሉ ምኽንያት የለን። ብፍላይ ቢንያም፡ ምስቶም ካልኦት ከበድቲ ተቐዳደምቲ ብምንጽጻር ብሚዛን ፍኹስ ዝበለ ብምዃኑ፡ ኣብቶም ቁሩብ ምንቅዕራር ዘለዎም ቦታታት ዝዛዝሙ መድረኻት ናይ ምዕዋት ልዑል ሚእታዊት ኣለዎ።
- ካልእ፡ ቢንያም፡ ሓደ ካብቶም ምኵራት ተቐዳደምቲ ብምዃኑ፡ ከምቲ ኣቦ መንበር ጀል ካርልስትሮም ዝበሎ፡ ንነኣሽቱን ትስፉዋትን ተቐዳደምቲ ናይዛ ጋንታ ኣብ ምምእዛን ተራ ክህልዎ ይግመት።
- ክንዮ’ዚ ውድድር ዘሎ ኣበርክቶ ቢንያም፡ ናይ ዕዳጋን ዓለምለኻዊ ተፈላጥነት ኤን.ኤስ. ኤን ኣብ ምዕባይ ዘለዋ ተራ እዩ። ምስቲ ብዓወታት ኣብ ዓለም ዝሃነጾ ዝናን ጽልዋኡን፡ ንተረኣይነትን ተፈላጥነትን እዛ ክለብ ኣብ ምዕባይ ሓጋዚ እዩ።
ማዕረ ማዕረኡ’ውን፡ ንበይኑ ኣፍሪቃዊ ኣባላ ብምዃኑ፡ ምስቲ ክንዮ ኣፍሪቃ ኣብ ዓለም ኣጥሪይዎ ዘሎ ልዑል ስምን ተፈታውነትን፡ እቶም ንእኡ ዝግድፉን ዝፈትዉን ተኸታተልቲ፡ ነዛ ጋንታ ክስዕቡ ስለዝጅመሩ፡ ዓቢ ረብሓ እዩ።
ብፍላይ ኣፍሪቃውያን፡ ኣብዚ እዋን ልዕሊ ቢንያም ከም ኣርኣያ ዝጥምትዎን ዝፈትውዎን ተቐዳዳሚቲ ዳርጋ ስለዘየለ፡ እዛ ጋንታ ብዙሓት ኣፍሪቃውያን ደገፍቲ ከተጥሪ ተስፋ ኣለዋ። ብዓቢኡ ከኣ፡ እቶም ኣብ ዝተፈላለየ ክፋል ዓለም ባንዴራኦም እናንበልበሉ ንምትብባዕ ደቂ ሃገሮም ብዘርእይዎ ኣበርክቶ ብማዕከናት ዜና ዓቢ ቈላሕታ ዝረኽቡ ኤርትራውያን ከሲባቶም ኣላ።
ብሓፈሻ ቢንያም፡ ከም ሓደ ምልክት ናይዛ ጋንታ ክኸውን እዩ። ነዛ ብዩሲኣይ ናይ ዎርልድ ቱር (ቀዳማይ ዲቪዥን) ፍቓድ(ሊቸንሳ) ረኺባ ዘላ ክለብ ከኣ፡ ካብ ብዙሓት ሰዓብቲ ደገፍ ክትረክብ፣ ኣብ ሜዳ ድማ ተወዳዳሪት ክትከውን ዘኽእላ ውጥናት ሰሪዓ ኣላ።
በዚ ድማ እዩ፡ ምፍራም እዚ ወዲ 26 ዓመት ብሉጽ ናይ ቅጽበታዊ ውድድር ተቐዳዳማይ፡ ሓደ ካብቶም ዕዉታት ስጉምቲ ናይዛ ጋንታ ዝተባህለ።
ክንዮ’ዚ ግና፡ ኣብ ግምት ክኣቱ ዘለዎም ካልእ መሰረታውያን ነገራት ኣለዉ። ቢንያም፡ ቅልጡፍ ዓወት ከመዝግብ ድሌትና’ኳ እንተኾነ፡ እቲ ዝወሃቦ ሓላፍነትን ዝግበረሉ ትጽቢትን ጸቕጢ ክገብረሉ ይኽእል እዩ። ካብታ ስሙ ጠርዚ ዝሰቐለላ ኢንተርማርሸ ናብ ሓዳስ ጋንታ ተሰጋጊሩ ምህላዉ ከኣ፡ ፍልይ ዝበለ ቅዲ ምምሕዳርን ናይ ውድድር ስታራተጂን፡ ከምኡ’ውን ሓደስቲ ደቂ ጋንታን ሃዋህውን ክለማመዶ ግዜ ከድልዮ እዩ። እዚ ማለት ቅልጡፍ ዓወታት ከምጽእ ትጽቢት ክግበረሉ ኣይግባእን። ግዜ ከምዘድልዮ ኣብ ግምት ክኣቱ ኣለዎ። ብቀረባ ከምቲ ኣብ ኲዕሶ እግሪ እንርእዮ፡ ገለ ስሙያትን ብሉጻትን ተጻወትቲ፡ ናብ ካልእ ጋንታ ምስ ልዑል ትጽቢት ኣብ ዝሰጋገርሉ እዋን፡ ብቕልጡፍ ኣብ ህርመት እታ ጋንታ ስለዘይኣትዉ፡ ሽዑ ንሽዑ ውጽኢት ከምጽኡ ኣይረኣዩን። ግዜ ወሲዶም ምስቲ ሓዲሽ ሃዋሁው ምስ ተላማመዱ ግና ብቕዓቶም ናብ ንቡር መሊሶም፡ ወሰንቲ ተጻወትቲ ይኾኑ።
በዚ ኮይኑ በቲ፡ ኢንተርማርሸ ምስ ኩባንያ ኩይብ ብዝነበራ ውዕል፡ ቢንያም፡ ንዓለም ዘዛረበ ውጽኢት ዝረኸበላ ‘ኩይብ’ ዝስማ ብሽክለታ ተወጢሑ ነይሩ። ካብ 2026 ጀሚሩ ከኣ፡ ኤን.ኤስ.ኤን ምስ ስኮት ዝተባህለ ናይ ስዊዘርላንድ መፍረ ብሽኽለታ ውዕል ስለዘለዎ ‘ስኮት’ እትበሃል ብሽክለታ ተጠቒሙ፡ ዝበለጸ ዓወታት ንምምዝጋብ ይዳሎ ኣሎ።
ጽቡቕ ዕድል!
_______________
Milkias Maekele to sign for new Ineos Grenadiers development team
20-year-old Eritrean sprinter is currently training with the team in Dénia, Spain
Dan Challis // GlobalPeloton
https://globalpeloton.substack.com/p/mi ... -new-ineos
Dec 09, 2025
Maekele winning in Algeria early in the season. Image: Fédération Algérienne
Widely regarded as one of Africa’s top up-and-coming riders, 20-year-old sprinter Milkias Maekele is set to sign for Ineos Grenadiers’ new development team, with an official announcement in the coming days.
Maekele, who raced for German team Bike Aid in 2025, has been present at Ineos Grenadiers’ winter training camp in Dénia, Spain, as first reported by
Daniel Benson’s Cycling Substack earlier this week.
Often teams will invite young riders to these camps to check them out, so it was unclear whether he had definitely signed. However, since that report, Global Peloton has learned that the young Eritrean will shortly be announced as a member of the development team for 2026.
Huge congratulations to Alexander Tesfay (17)! He dominated the 3000m race of the 4th African Youth Games yesterday in Bengo, Angola. Reports highlight his remarkable controlled pace and unflinching final-lap acceleration. Truly outstanding qualities! Future star in the making.
at the Honolulu Marathon USA, a World Athletics Elite Label Road Race, finishing in 2:13:41. 
), 4th, and 5th respectively. 
Reggio Emilia Marathon:
GOLD: 
Malaga Marathon 
BRONZE: 
And 
Mersin Marathon: 
ADNOC Abu Dhabi Marathon 
POWER: 
