እዚ ሎሚ ንኢትዮጲያ ዝገዝእ ዘሎ ስርዓት ብልጽግና፡ ልዕሊ ዘውዳዊ ስርዓት ሃይለስላሴን፡ ደርግን ኣንጻር ሃገራዊ መንነት ኤርትራ እዩ።
ስለዝኾነ ከኣ ብልጽግና ቅድሚ ምፍራስ ሻዕብያ፡ ኣብ ዝተናውሐ ጉዕዞ፡ ፖለቲካዊ ረብሓ ኢትዮጲያ ንምርግጋጽ፡ ኤርትራዊ ፖለቲካ፡ መተካእታ ስርዓት ሻዕብያ ዝኸውን ሃገራዊ ቁመና ንከይፈጥር፡ ዝለዓለ ፖለቲካዊ ተንኮል ከምዝሰርሕ፡ ኣብ ዝተፈላለዩ ኣጋጣሚታት ብዝህቦም መግለጽታት ግሉጽ ኮይኑ ኣሎ።
ዝተናውሐ ዕላምኡ ንምርግጋጽ ከኣ፡ ነዞም ፖለቲማዊ ትካልን፡ ሃገራዊ ኣቃውማን ዘይብሎምምን፡ ካብ ስእልን ሆቴልን ዝሓልፍ ካልእ ፖለቲካዊ ውዕል ዘይጠልቡ መራሕቲ ብ/ንሓመዱ ክመርጽ ግድን እዩ።
እዞም ውልቀ-ሰባት ንህዝቢ ኤርትራ ዝቖመ ሃገራዊ ፖለቲካዊ ሓይሊ ዝመርሑ እንተዝኾኑ እምባኣር፡ ንሕና 200ሚልዮን ብዝሒ ስለዘለና፡ ግዝኣታዊ ዶብ ናይ 2ሚልዮን ክንረግጽ ኢና ንዝብል መደረ ላዕለዋይ ኣዛዚ ሰራዊት ናይታሃገር እናሰምዑ፡ ሃገራዊ መግለጺ ከውጽኡ ዳኣምበር፡ ኣብ ትሕቲኦም ሕትኽቱኽ ክብሉ ኣይምተገበአን።
እቶም ንዕሸላዊ ፖለቲካ ዘነንጨብጭቡ ወገናት ውን፡ ስርዓት ሻዕብያ ካብ ሱሩ ክመሖ ኣለዎ ማለት፡ ኣብቲ ግዝኣታዊ መሬት ኤርትራ ሓርነት ክሰፍን ክትቃለሱ ዳኣምበር፡ ካርታ መሰረት ዝገበረ ካልእ ውዕል ክፍጽም፡ ናይ ሓደ ፖለቲካዊ ውድብ ወይ ጉጅለ ሓላፍነት ዘይምዃኑ ኣይግንዘቡን እዮም።
እሞ እምባኣር ሓደ ፖለቲካዊ ውድብ ይኹን ምንቅስቓስ፡ ኣብ'ቲ ብመግዛእታዊ ወዕል ዝተረጋገጸ፡ ማያውን መሬታውን ዶባት ኤርትራ መሰረት ዝገበረ፡ ዝኾነ ይኹን ዝምድና ክገብር ህዝባዊ ውክልና ከምዘይብሉ ኩሉ ኤርትራዊ መንእሰይ ክርዳእ ይግባእ።
ክቃለስ እንተኾይኑ ውን፡ ነዚ ሓልፍነት'ዚ፡ ርሑቕ ከይከደ፡ ኣብ መባእታ ፖለቲካዊ ፍልጠቱ ክቐስሞ ይግባእ።
Please wait, video is loading...