NationalEr Interest
South Sudan
|• ሓዲሽ ስግኣት ኣብ ደቡብ ሱዳን፡ሰራዊት መንግስቲ ደቡብ ሱዳን፡ ክሳብ ሎሚ 06 መጋቢት 2025 ጥራይ፡ 9-ካብ ቀንዲ ኣባላት (ደገፍቲ) ሪክ ማሻር ኣሲሮም ኣለዉ። እዚ ማእሰርቲ፡ ንሚኒስተር ነዳዲ (Petroleum Minister) ፖት ካንግ ኮሆልን፡ ምክትል ሓለቃ ስታፍ ሰራዊት እታ ሃገር ጀነራል ጋብሪኤል ዶዩፕ ላምን ዘጠቃለለ እዩ።
ምክትል ፕረዚደንት (VP) ዝኮነ ሪክ ማሻራ ዉን፡ ንካልኣይ መዓልቱ ኣብ ትሕቲ ናይ ገዛ ማሕዩር ከም'ዘሎ፡ ይንገር ኣሎ። እዚ ዝከዉን ዘሎ፡ ብሪክ ማሻር ዝእዘዙ፡ ብ"ዋይት ኣርሚይ" (White Army) ዝፍለጡ ዕጡቃት፡ ኣብ ሰሜናዊ ሸነኽ እታ ሃገር፡ ንመዓስከር ሰራዊት መንግስቲ ኣጥቂዖም ኣብ ትሕቲ ቁጽጽር ድሕሪ ምእታዎም ምኳኑ፡ ዝተፈላለያ ማዕከናት ዜና ይገልጻ።
ስለ'ዝኮነ፡ ክልቲኦም ወገናት --- ፕረዚደንት ሳልቫ ኪርን ምክትሉ ሪክ ማሻርን፡ ነቲ ኣብ 2018 ዝበጽሕዎ ስምምዕ ሰላም ከም'ዝተጣሕሰ፡ ንሓድሕዶም ኣብ ምክሳስ ኣትዮም ኣለዉ።
እንተኮነ፡ ብመሰረት ናትና ትዕዝብቲ --- እዚ ኣብ ደቡብ ሱዳን ዝፍጠር ዘሎ ምትፍናን፡ ኢማራት ትመርሖ ናይ ወጻኢ ምትእትታዉ ምኳኑ የረድኣካ። እዚ ድማ፡ ምስ ኲናት ሰሜን ሱዳን ብምትሕሓዝ፡ ሓይልታት ዳዕመል ሰሪዕ ተጸሪጎም፡ ካብ ዞባ ኮርዶፋን ዉን ይወጽኡ ስለ'ዘለዉ፡ ኢማራት ንደቡብ ሱዳን ከም መዕቆብን፡ መዐለምን እዞም ዕጡቃት ንምግባራ፡ ሓንሳብ ብናይ ሽያጥ ነዳዲ ጉዳይ፡ ሓንሳብ ድማ ነቲ ኣብ ዉሽጢ ጁባ ዘሎ ፖለቲካዊ ፍልልያት ብምምዝማዝ፡ ንመንግስቲ እታ ሃገር ጅሆ ንምትሓት --- ተጓሃህሮ ከም'ዘላ ጭቡጣት ኣብነታት ኣለዉ።
NationalEr Interest See less