Mereja.Forum

[Zmeselo]

Africa United Against Unilateral Sanctions!

The Heads of State and Government of the African Union, assembled on 15 and 16 February 2025, at their 38th Ordinary Session of the Assembly of the Union in Addis Ababa, Ethiopia, inter alia,

AU Assembly strongly condemned the unilateral application and enforcement by certain countries political and economic pressure, against AU Member States, with a view to preventing these countries from exercising their right of sovereignty and self-determination;

AU Assembly acknowledged that socio-economic sanctions and coercive measures are obstacles impeding the implementation of the African Union Agenda 2063 and the United Nations 2030 Agenda for Sustainable Development Goals;



AU Assembly expressed its grave concern at the negative impact of sanctions and unilateral coercive measures on the right to development, and promoting cordial international relations, trade, investment, cooperation, as well as peace, security and stability;

AU Assembly urged the European Union and the United States of America to lift the unilateral coercive sanctions imposed on the State of Eritrea;

AU Assembly reaffirmed its solidarity with the People of Zimbabwe, South Sudan and the State of Eritrea in exercising their sovereign right to determine their own destiny. Embassy of Eritrea to Ethiopia: @ERIEMBAET



መበል 38 ዋዕላ ሕብረት ኣፍሪቃ፡ ብሕቡራት መንግስታት ኣሜሪካን ኤውሮጳዊ ሕብረትን ኣብ ልዕሊ ኤርትራ ተሰገዲዱ ዘሎ በይናዊ እገዳ ብቕጽበትን፡ ብዘይ ቅድመ ኩነትን፡ ክለዓል ደጊሙ ጸዊዑ።

[Zmeselo]

መድሃኒት ኣፍሪቃ

ካብ ፖለቲካ-ቁሸት ናብ ዞባውን ኣህጉራውን ውህደት

ሓደ ካብ ዓበይቲ ፍጻመታት ናይዚ ሰሙን’ዚ፡ መበል 38 ዋዕላ ሕብረት ኣፍሪቃ’ዩ። ሕብረት ኣፍሪቃ፡ ፖለቲካውን ቁጠባውን ምዕባለ ህዝብታት ኣፍሪቃ ንቕድሚት ከሰጉም፡ ሰፊሕን ክቡርን ዕላማታት ኣብ ቻርተሩ ኣስፊሩ ዝነቐለ፡ ሓደ ካብ ዓበይቲ ምትእኽኻባት ዓለምና እዩ። እንተኾነ ኣብ 60 ዓመት ጉዕዞኡ ገና ዝስምጥ ዓወት ከመዝግብ ኣይከኣለን።

ሓደ ካብ ጠንቅታት ናይዚ ፍሽለት’ዚ ስእነት ሰላምን ርግኣትን’ዩ። ኣብ ዝበዝሓ ሃገራት ኣፍሪቃ ህንጸት ሃገር (Nation Building) ከምቲ ዝድለ ኣይሰጐመን። ሃገራት ብፖለቲካ-ቁሸት እናተሓቚና ይዝረጋ እየን ዘለዋ። ህዝቢ ሓንቲ ሃገር ጅር ፈልዮም ንሓድሕዶም ዝተፋነንሉ ሃዋህው እዩ ዘሎ። ሰላምን ርግኣትን ከኣ መሰረታዊ ረቛሒ ንልምዓት እዩ።

ፕረዚደንት ኢሳይያስ ኣፈወርቂ ብተደጋጋሚ ከምዝገለጾ፡ እቲ ካልእ ጸገም ኣፍሪቃ፡ ቅርጻዊ (ስትራክቸራል) እዩ። ድሕሪ ምብቃዕ መግዛእቲ፡ ቀዳሞት መራሕቲ ሃገራት ኣፍሪቃ ን‘ውድብ ሓድነት ኣፍሪቃ’ መስሪቶም። እቲ ውድብ ድሕሪ 30 ዓመት “ኣየድምዐን” ተባሂሉ ብ‘ሕብረት ኣፍሪቃ’ ተተኪኡ። ሕብረት ኣፍሪቃ እውን ከም ትጽቢት ኣፍሪቃውያን ክኸውን ኣይከኣለን። በብኸባቢኡ ዘለዉ ዞባዊ ውድባት እውን ኣድማዕቲ ኣይኮኑን። ንኣህጉር ኣፍሪቃ ወይ ንሓደ ዞባ ወኪሉ ብኣድማዕነት ዝሰርሕ ቅርጺ ኣሎ ኢልካ ምሕሳብ ነብስኻ ምቕሻሽ ጥራይ እዩ።

እዞም ዝተጠቕሱ ዓበይቲ ብድሆታት እናሃለዉ እምበኣር፡ ህዝቢ ኣፍሪቃ ኣብ ዓለምና ምዕሩይ ፖለቲካውን ቁጠባውን ተሻራኺ ክኸውን ኣይክእልን እዩ። እቲ ዘሎ ጸገማት ፍታሕ ዝርከብ ድማ፡ በበይንኻ ዘይኮነ ብምሕቡር መገዲ’ዩ። ከመይሲ ዞባዊ ውህደት፡ ሰፊሕ ኣተሓሳሳባን ንቕሓትን ብምፍጣር፡ ንጸቢብ ፖለቲካ-ቁሸት ኣጸጊዑ፡ ሰላምን ምርግጋእን ኣብ ምፍጣር ወሳኒ ግደ ክጻወት ይኽእል እዩ። ንበል ሓደ ሱዳናዊ ኣብ ሶማል፡ ኢትዮጵያ፡ ኬንያ፡ ከም ጓና ከይተራእየ ብሓርነት እናተንቀሳቐሰ ክሰርሕን ክነግድን እንተኽኢሉ፡ ንድሑር ቀቢላዊ ዛዕባ እዝኒ ክህልዎ ኣይክእልን’ዩ።

ኣብ 1991 ኤርትራ ልኡላዊት ሃገር ምስ ኮነት፡ ከምዚ ዓይነት ዞባዊ ሃዋህው ንምፍጣር፡ ሓባራዊ ዕብየት ዘሰጉም ሰፊሕ ዕላማታት ሒዛ’ያ ነቒላ። በዚ ድማ፡ ኣብ ምክልኻል ምድረበዳነት ዝነጥፍ ዝነበረ ዞባዊ ውድብ፡ ንቁጠባውን ፖለቲካውን ውህደት ሃገራት ዞባና ክሰርሕ ዳግም ኣብ ምውዳቡ ዓቢ ኣበርክቶ ገይራ። እንተኾነ ኢጋድ ብርዱእ ምኽንያታት ኣይተዓወተን። ሓደ ካብ ጸገማት ኣፍሪቃዊ ምትእኽኻባት ብግዳም ዝምወልን ንስልኳ ምቹእ ምዃኑን’ዩ። መወልቲ ድማ፡ ብጹኣን ኮይኖም ኣብ ረብሓታት ዝጫረቶምን ዝወዳደሮምን ሓይሊ ንምዕባይ ክድጉሙ ትጽቢት ኣይግበረሎምን። ብዝተፈላለየ ሜላ ከምዘይሰርሕ ንምግባሩ እንተነጠፉ ዘገርም ኣይኮነን።

ኣብዚ ዝሓለፈ 30 ዓመት፡ ኤርትራ ምስናይ ከቢድ ጸቕጢ ግዳማውያን ሓይልታት፡ ሃገራት ዞባና ካብ ፖለቲካ-ቁሸት ወጺአን፡ ንስልኳ ዕድል ዘይህብ ባዕለን ዝቕልስኦ ናይ ምትሕብባርን ምምልላእን ጥምረት ክፈጥራ ሓያል ጻዕሪ ከተካይድ ጸኒሓ ኣላ። ሕጂ እውን ሓድሽ ምህዞ የለን። ኣፍሪቃ፡ ሓቀኛ መድሃኒታ ኣብ ውህደታ እዩ ዘሎ። ነዚ ንምርግጋጽ መንግስታት ኣፍሪቃ፡ ኣብ ውሽጦም ዜግነት ዝሰረቱ ቅኑዕ መኣዝን ህንጸት ሃገር ክኸተሉ፡ ንትሕተ ሃገራውነት ጸብለል ዝበለ ትካላት ጸጥታን ምክልኻልን ሃኒጾም ሰላሞም ከውሕሱ፣ ብደረጃ ዞባን ኣህጉርን ድማ ሓባራዊ ዕብየት ዘሰጉም፡ ክንዮ መደረ ብግብሪ ዘድምዕ ሓቀኛ ጥምረት ክፈጥሩ የድሊ።

ቦርድ ክፍሊ ጋዜጣ

[Zmeselo]

ሪፖርታዥ

ወግዓዊ ዝኽሪ 50 ዓመት ግፍዒታት ጸላኢ፡ ኣብ ኣስመራን ከባቢኣን

ኣብርሃም ዘርአ (ወዲ- ሃለቃ)

ዝኽሪ 50 ዓመት ግፍዒታት መግዛእታዊ ስርዓታት ኢትዮጵያ ኣብ ኣስመራን ከባቢኣን፡ “ኣይረሳዕናዮን” ብዝብል መሪሕ ቴማ ብቐዳም 15 ለካቲት ኣብ ሰዓታት ድሕሪ ቐትሪ ኣብ ሜዳ ባሕቲ መስከረም ብልዑል መዓርግ ተዘኪሩ። እቲ ዝኽሪ፡ ልዕሊ ኩሉ ብሰልፊ ተመሃሮን ባህላዊ መሰናድኦታትን እዩ ረዚኑ ኣምስዩ። ልዕሊ 5 ሽሕ ተመሃሮ ኣብያተ ትምህርቲ ዞባ ማእከል፡ ካብ ናቕፋ ሃውስ ተበጊሶም ብቐንዲ ጐደናታት ኣስመራ ማለት ሽዳ ኣቢሎም ብማእከል ጐደና ሰማእታት ሓሊፎም ሜዳ ባሕቲ መስከረም እዮም በጺሖም። እዞም ነናይ ኣብያተ ትምህርቶም መለለዪ ዲቪዛ ዝተኸድኑን ኣብ ኢዶም ባንዴራታት ዝሓዙን ተመሃሮ፡ ብመምህራኖም እናተኣለዩ ንዝኽሪ ሰማእታትናን ጽንዓትናን ዝገልጹ ዝተፈላለዩ መዛሙርን ጭርሖታትን እናኣስምዑ እዮም ናብ ባሕቲ መስከረም መሪሾም። ኣብ ጐልጐል ሜዳ ባሕቲ መስከረም ነቲ ዕለት ንምጕላሕ ብባንዴራን ሽምዓን ቀይሕ ዕምባባታትን ዝተሸለማ ታክሲታት እንተዀና’ውን ብፍሉይ ኣገባብ ተሰሪዐን ነቲ ዝኽሪ ግርማ ሃበኦ።



ሚኒስተራት ዝርከብዎም ላዕለዎት ሰበ-ስልጣን መንግስትን ግንባርን፡ ኣዘዝቲ ሰራዊት፡ ኣብ ኤርትራ ዝመደበሮም ኣምባሳደራትን ዲፕሎማሰኛታትን ብኣሽሓት ዝቚጸሩ ተመሃሮን ህዝብን በቦታኦም ምስ ሓዙ ድማ፡ እቲ መደብ ብ’ዝኽረ ሰማእታት’ ተኸፊቱ። ፈለማ፡ ቃል ኣወሃሃዲት ኮሚተ ብኣቶ ኣስመሮም ጸጋብርሃን እዩ ቀሪቡ። ኣቶ ኣስመሮም፡

ገዛእቲ ስርዓታት ኢትዮጵያ፡ ህዝቢ ኤርትራ ኣሜን ኢሉ ክግዛእን ክንብርከኽን፡ ሰውራ ኤርትራ ድማ ደገፍ ህዝቢ ስኢኑ ክጠፍእን ዘይፈሓስዎ ውዲትን ዘይፈጸምዎ ግፍዒታትን ከም ዘይነበረ

ብምጥቃስ፡

እቲ ክካየድ ዝቐነየ ናይ ዝኽሪ መደብ፡ እቲ ዝተፈጸመ በደልን ምስ ግዜ ከይርሳዕ መታን ንምዝኽኻርን ሓደስቲ ወለዶታት ክፈልጥዎን ዝዓለመ እዩ

ክብል ገሊጹ።

ኣብቲ ዕዙዝ ኣጋጣሚ ኣመሓዳሪ ዞባ ማእከል ኣቶ ፍስሃየ ሃይለ ብወገኑ፡ ስርዓታት ኢትዮጵያ ኣብ ኣስመራን ከባቢኣን ኣብ 57 ዓድታት ብዝፈጸሙዎ ኣስካሕካሒ ግፍዒ፡ ኣሽሓት ዜጋታት ከምዘህለቑ ገሊጹ።

ብገዛእቲ ስርዓታት ኢትዮጵያ ኣብ ልዕሊ ህዝቢ ኤርትራ ኮነ ኢልካ ዝተፈጸመ ግፍዒን በደልን ተጸብጺቡ ዝውዳእ ኣይኮነን። ጥንስቲ ምስ ዕሸላ ብኻራ ተዘልዘለት፡ ጐበዝ ናብ ዋኒኑ ምስ ወፈረ ኣይተመልሰን። ብጥይትን ሳንጃን ኣብ ገዛእ መሬት ተሰጢሑ። ኣደ ምስ ኩሎም ደቃን ብዓል ቤታን ኣብ ሓደ ገዛ ተረሺኖም። ጥሪት ተሓሪደንን ተዘሚተንን። ኣደታት ኣዋርቐን ተዘሪፉ።



መራሕቲ ሃይማኖት ኣብ ኣብያተ ክርስትያንን መሳጊድን ናብ ፈጣሪኦም ጸሎት እናብጽሑ ተረሺኖም። መርዓውን መርዓትን ኣብ መዓልቲ መርዓኦምን ሕጽኖቶምን ኣይተናሕፉን። ጐራዙ ናብ ቤት ትምህርቲ ምስ ከዳ ኣይተመልሳን። ብዛዕባ ማሕበራዊ ዕለታዊ ህይወቶም ክመያየጡን ከዕልሉን ኣብ ባራትን ኣብያተ ሻሂን ምስኣተዉ ብዓይኒ የብለይ ስኒ የብለይ ዝተረሸኑ መንእሰያትና’ውን ቍጽሮም ብዙሕ እዩ። ስድራቤታት በዚ ኣረሜናዊ ግፍዕታት ጠቕሊለን ጸኒተንን ተበታቲነን እየን። ብዘስካሕክሕ ፍጻመ ብሰንሰለት ታንኪ ተረጊጸን፡ ዓድታት ብቦምባታት ነዲደን። ሕጂ’ውን ስለምንታይ ዝብል ሕቶ እንተደኣ ኣሎ ግን፡ ሓንቲ ፍልጥቲ ምኽንያት ነይራ።

ንቓልሲ ህዝቢ ኤርትራ ትድግፍ ኢኻ፡ ስድራ ወንበዴ ኢኹም፡ ደቂ ወንበዴ ኢኹም

ትብል እያ።

ብድሕሪ’ዚ፡ ብፍላይ ነቲ ወተሃደራት ስርዓት ደርግ ኣብ 1975 ኣብ ኣስመራን ከባቢኣን ዝፈጸምዎ ህልቂት፡ ብሓፈሻ ከኣ ንግፍዒታት መግዛእታዊ ስርዓታት ኢትዮጵያ ዝገልጽ፡ ንተሳተፍቲ እቲ ስነ-ስርዓት ዝኽሪ ናብ ትዝታን ተዘክሮን ዝመለሰ ጣዕመ ዜማታትን ግጥምታትን ቀሪቡ። ትሕዝቶ ናይ’ዚ ሓያል ጥበብ ዝሓለፎ ባህላዊ መሰናድኦ፡ ካብ 1975 ክሳብ 1991 ኣብ ልዕሊ ህዝቢ ኤርትራ ንዝተፈጸመ - ጭካነ ዝመልኦ ጃምላዊ ህልቂት በቲ ሓደ፡ በቲ ካልእ ድማ ንቓንዛኡን በሰላኡን፡ ጽንዓቱን ሓይሉን ዘንጸባርቕ እዩ ነይሩ።

ህዝብና ካብ 1975 ክሳብ 1991 ብግፍዒ ስርዓታት ኢትዮጵያ ብዙሕ ተሳቕዩ እዩ።

ኤርትራ መሬታ እምበር ህዝባ ኣየድልየናን እዩ

ብዝብል መሪሕ ጭርሖ፡ ባሕሪ ንምንጻፍን ዓሳ ንምጽናትን ብዓሻ ስጉምቲ ብወግዒ ተበጊሶም።

መንነቱ ብሓይሊ ሓኺኾም ኢትዮጵያዊ ንምግባር ተሃንዲዶም። ህዝቢ ኤርትራ ግን ኣይተጻዕደን። ካብ ኣቦሓጐታቱ ብዝወረሶ ያታ ጅግንነት፡ መሬቱን ህዝቡን ከድፍር ኣይከኣለን። “እምቢ ንመግዛእቲ” ብምባል ሓኒኑ ብምብጋስ ነቲ ዝጀመሮ ዕጥቃዊ ቃልሲ ኣሰወዶ። ልዕሊ እምኒ ዓረ ጸኒዑ ምስሉ ክፈጥር ዘኽኣሎ ድማ፡ ብሰሪ መሪር ግፍዕን በደልን እዩ። ብሓፈሻ ግን፡ ከም ውጽኢት እዚ ባርባራዊ ግፍዕታት፡ ህዝቢ ኤርትራ ጭቆና በዚሕዎ ብዘይ ልቡ ገለ ናብ ስደት ሃጽ ኢሉ ክኸይድ እንከሎ፡ እቲ ዝበዝሐ ግን ናብቲ እንኮ ዘለዎ ኣማራጺ ናብ ቃልሲ ወሓዘን ተሰለፈን። ጸላኢ ዕምሩ ግዲ ክሓጽር ኢልዎ ድሕሪ’ዚ ልቢ ዘሰንብርን ዘኽሕንን በደል፡ ሰውራ ኤርትራ ብኣዝዮም ዓይነታውያን ሞያውያን፡ ምሁራትን ተሰለፍቲ ሰባት ደልደለ።



ዝኽሪ 50 ዓመት ህልቂት ህዝቢ ኤርትራ ኣብ ኣስመራን ከባቢኣን ብኽብ ዝበለ መንፈስ እናጸምበለ እንከሎ ድማ፡ ዝኽሪ ውጻእ መዓት ግፍዒ ወኪ-ድባ ብሌ/ኮ ዘርእማርያም ተስፋይ እዩ ስዒቡ። ንሱ ኣብ’ቲ እዋን’ቲ ወዲ 16 ዓመት መንእሰይ እንከሎ፡ ኣብ ቅድሚ ዓይኑ ዘጋጠመ ክስተት እዩ ብመሳጢ ኣገባብ ንተሳተፍቲ እቲ ዝኽሪ ኣካፊሉ። ሽሾ ሰራዊት ደርግ ብኣልማማ ኣብ ልዕሊ ስድራቤቱን ህዝቢ ወኪ-ድባን ዘውረድዎ ዘስካሕክሕ መዓትን ንሱ ድማ ብኸመይ ካብ’ቲ ዝረገፈ ህዝቢን ሓዊ ዝተዘርኣ መሬትን ንስክላ ከም ዘምለጠን’ዩ ብሰፊሑ ገሊጹ። ድሕሪ’ዚ፡ ካብ ህልቂት ድርፎ ውጻእ መዓት ዝዀነ ኣቶ ስዒድ ኣሕመድ ዓሊ እዩ ዝኽሩ ኣካፊሉ። ንሱ፡ ብሰራዊት ደርግ ንህዝቢ ድርፎ ሃንደበት ዝተኻዕዎ እሳት እዩ ዘርዚሩ። ንሱ’ውን፡ ሓደ ጥዑይ ኣእምሮ ዝውንን ፍጡር ወዲ ኣዳም ክፍጽሞ እዩ ኢልካ ዘይትግምቶ ግፍዒታት እዩ ተሪኹ። ነታ ክትሓርስ ሎሚ ጽባሕ ትብል ዝነበረት ኣደኡ ብሳንጃ ከምዝዘልዘሉዋን፡ እታ ኣብ ልዕሊ ሬሳ ኣደኣ ኰይና ትዀልልን ትበኪን ዝነበረት ጓል ኣርባዕተ ዓመት ሓፍቱ እውን ኣበይ ከም ዝኣተወትን ናበይ ከም ዝወሰድዋን ክሳብ ሎሚ ደሃያ ዝበሃል ከም ዘይብሉን፡ ናይቲ ፍጻመ ግፍዒታት ክሳብ ለይቲ ሎሚ ካብ ቅድሚ ዓይኑ ከም ዘይክወልን ድቃስ ከምዝኸልኦን’ዩ፡ ነቲ ዝተኻፈሎ ዘስደምም ዛንታ ዘኪሩ።



ዝኽሪ 50 ዓመት ህልቂት ህዝቢ ኣስመራን ከባቢኣን ካብ 14 ለካቲት 2025 ሰዓታት ንጉሆ ጀሚሩ እዩ ክበዓል ቀንዩ። ኣብ ፊት ምምሕዳር ዞባ ማእከል ዝርከብ ዓቢ ጐደና ብስእላዊ ኤግዝብሽን ብምኽፋት ድማ እዩ ተኸቢሩ። እቲ መደብ ሰበ-ስልጣን ግንባርን መንግስትን ኣማኢት ህዝቢን ኣብ ዝተረኽቡሉ፡ ሪቫን ብምቑራጽ’ዩ ብወግዒ ፈሊሙ። ድሕሪዚ፡ ንዝኽሪ እቲ ብጭካነ ጸላኢ ዝሃለቐ ህዝብና፡ ኣመሓዳሪ ዞባ ማእከል ኣቶ ፍስሃየ ሃይለን ሓላፊ ውድባዊ ጉዳያት ህግደፍ ኣቶ ዮሱፍ ሳይቕን ኣኽሊል ዕምባባ ኣንቢሮም። ነቲ ካብ ሰነዳት ፖሊስ ተረኺቡ ብኣርቲስት ግደይ ገ/ሚካኤል ንምርኢት ዝተዳለወ ህልቂት ስእላዊ ኤግዝብሽን፡ ሰበ-ስልጣን መንግስትን ግንባርን፡ እናተዘዋወሩ ብደቂቕ ተዓዚቦሞ፣ ብኣዳለውቲ እቲ መደብ ድማ መግለጺ ተዋሂብዎም።



ብድሕሪ’ዚ ንሓጺር ግዜ ነቲ እዋን’ቲ ዘዘኻኽራን ንመትከል ህዝቢ ኤርትራ ዝገልጻን ክልተ ሕሩያት ግጥምታት ቀሪበን። ድሕሪ’ዚ ድማ፡ ህዝቢ ነቲ ክሳብ ሰንበት 16 ለካቲት 2025 ዝቐጸለ ብደረቕን ቪድዮን ዝተዳልወ ምርኢት ምእማኑ ክሳብ ዘጸግሞ ብኣንክሮ ተዓዚብዎ። ብፍላይ መንእሰያት ነቲ ሽዑ ዝነበረ ኣደራዕን ግፍዒን ምስ ተዓዘቡ፡ ኣብ ልዕሊ ህዝቢ ኤርትራ ማዕረ ክንድኡ ዘሰኩን ፍጻመ ከም ዝተኻየደ ይፈልጡ ብዘይ ምንባሮም እቲ መደብ ብምክያዱ ታሪኾም ክፈልጡ ከም ዘኽኣሎም ገሊጾም።



ነቲ ፍጻመ ብዓይኖም ዝተዓዘቡን ንስክላ ካብ’ቲ ህሞት ዘምለጡን ግዳያት፡ ኣብቲ እዋን፡ ኣብ ቅድሚ ዓይኖም ዝተረሸኑ ኣሕዋቶም መማህርቶም፡ መተዓብይቶም፡ ኣቦታትን ኣደታትን፡ ዕሸላትን መንእሰያትን.... ግዲ ዘኪሮም ገጾም ብንብዓት ዝኽሪ ክሕጸቡ እዮም ተራእዮም። ገለ ሓበሬታታት ክህቡና ምስ ተወከስናዮም ድማ፡ ተዘክሮ ንብዓቶም እኹል ምስክር ነበረ። ኣብ’ዚ ስእላዊ ኤግዚብሽን መን፡ መዓስ ኣበይ ቦታ፡ ብምንታይ ከም ዝተቐትለ ብዝርዝር ቀሪቡ ኣሎ። ብሓፈሻ ኣብ’ዚ ስእላዊ ምርኢት ኣብ ሕምብርቲ ኣስመራን ከባቢኣን ማለት ማእከል ከተማ፡ ገጀረት፡ ኣኽሪያ፡ ጎዳይፍ፡ ፓራዲዞ፡ ባር ኣማኒኤል፡ ዝባን ስንቀይ፡ ገዛ-ባንዳ ጥልያን፡ ማይ ጭሆት፡ ወኪ ድባ፡ ዓዲ ኣቤቶ፡ ዓደ’ባዃዃይ፡ በለዛ፡ ዓዲ ንፋስ፡ ጻዕዳ እምባ፡ ቁሸት፡ ዓዲ ሙሳ፡ ድርፎ፡ እምባደርሆ፡ ዓዲ ቢደል ... ብፋሽሽታዊ ስርዓት ደርግ ዝተፈጸመ ኣረሜናዊ ግፍዒ ተሰኒዱ ኣሎ። ኣብ ሜዳ ባሕቲ መስከረም ዝተካየደ መደብ ዝኽሪ፡ ብውጻእ መዓት ኣቶ የማነ ኣርኣያ ትኩእ እውን ትረኻ ዝኽሪ ህልቂት ዓዲ ንፋስ ቀሪቡ ነይሩ። ንሱ ኣብ 1975፡ ጦር ሰራዊት ብኣንፈት ኣኽርያ ብምእታው ንዓዲ-ንፋስ ሰለስተ መዓልቲ ተመላሊሶም ገዛ-ገዛ እናኣተዉ ነታ ዓዲ ከም ዘህለቑዋ’ዩ ብዝርዝር ሓቢሩ። ኣብ መወዳእታ ድማ፡ ዝዝመት ንብረት ዘሚቶም ነታ ዓዲ ኣንዲዶማ ከም ዝተዓዝሩ ኣብሪሁ። ዝተረፉ ውጻእ መዓት ድማ፡ ብግመ ተሓጊዞም ናብ ኣንፈት ባሕሪ ገጾም ኣብ ዝሃደምሉ ህሞት፡ ኣቦኡ፡ ኣደኡን ሓፍቱን ኣብቲ ዝሃደምሉ ቦታ ተረሺኖም ከም ዝጸንሕዎም ዝኽርታቱ ነጊሩ።



ወዮ ደኣ ህዝቢ ኤርትራ ሓዳግ ኰይኑ እምበር፡ ኣብ’ዚ ሃገር ዝተፈጸመ ኢሰብኣዊ ግፍዒታት መለክዒ ክትረኽበሉ ኣዝዩ ኣጸጋሚ እዩ። ካብ ሰላሳ ኣምስተኛ፡ ዝባን ስንቀይ፡ ቃኘው፡ ቁሸት ዝተበገሱ ሰራዊት ደርግ ብሳንጃ፡ ጥይት፡ ቦምባን ገዛ-ገዛ እናኣተዉ ንኣስመራን ከባቢኣን ኣናወጹዋን ኣዕገርገርዋን። ብሳዕቤኑ ድማ ደም ኤርትራዊ ከም ውሕጅ ዛረየ። ዓድታት ምስ ባደማ፡ ጥሪት ከይተረፋ ሰላም ስኢነን ብነጐዳ ድምጺ ጥይት ዓደን ስለዝተናወጸ፡ ገለ ሰላማዊ ቦታን ዝብላዕ ሳዕርን ዝስተ ማይን ከምኡ ከኣ ጽሩይ ኣየር እንተረኽባ - መለሳ ዘለዎ መሲሉወን ናብ ጐደቦ ዓድታተን ነፊጸን እየን። ገለ ንስክላ ዝተረፋ ስድራቤታት’ውን ናይ ዓቕሊ ጽበት ስድራ ቤተን ሒዘን ከም ደቂ ኣራዊት ፈቐዶ በረኻን በዓትታትን ሰፊረን። ምኽንያቱ ህዝቢ ኤርትራ፡

ደርሆስ ሓረድዋ ሞተት፡ ነጸዩዋ ሞተት

ስለዝዀኖ።

ካልእ ሕርያ ኣይነበሮን። ንስለ ክብረቱን ናጽነቱን ምስ ሰውራ ተዓራረኸ። ሎሚ እቲ 50 ዓመታት ዘቝጸረ ኣረሜናዊ ግፍዒታት ካብ ሕልናን መንፈስን ኤርትራዊ ዝሃስስ ኣይኰነን። ምኽንያቱ እዚ ኣብ ልዕሊ ቈልዓ ሰበይቲን መንእሰያትን ዘተኰረ መቕዘፍቲ፡ ዝዀነ ምኽንያት ስለዘይብሉ። ህዝቢ ኤርትራ እምበኣር፡ ድሕሪ መሪርን ነዊሕን ቃልሲ፡ ሳላ’ቲ ነቕ ዘይብል ጽንዓቱን መትከሉን ብገዛእ ቅልጽሙ ሓርነቱ ተጐናጺፉ ኣሎ። እቲ ጸሊም ታሪኽ ድማ ሓንሳብን ንሓዋሩን ኣብቂዑ ኣሎ።



እቲ ብኮምሽን ባህልን ስፖርትን ምምሕዳር ዞባ ማእከልን ተዳልዩ ኣብ ሜዳ ባሕቲ መስከረም ክካየድ ዘምሰየ - ንሕልና ኤርትራዊ ዝዅሕኵሕ ባህላዊ መሰናድኦታትን ትረኻታትን ናይ ዝኽሪ መደብ ድማ፡ ኣማስያኡ ብናይ ሓባር መዝሙር፡ “ቅሰኑ ሰማእታትናን”ን ሃገራዊ መዝሙርን ተዛዚሙ።

[Zmeselo]

One example of Ethiopia's scapegoating of Eritrea. WikiLeaks exposed this during Meles Zenawi Administration. Ethiopian forces planted 3 bombs & blamed it on Eritrea.



The original doc:

[Fed_Up]

Finally the useless organization said something tangible.

[Zmeselo]

Drumbeating for another war?

A few weeks ago, I warned that Abiy was preparing for another war - this time with Eritrea. If anyone had doubts, the article published on Al Jazeera under the byline of former President Mulatu Teshome - whose authorship I strongly doubt - only reinforces my point. @Jawar_Mohammed

[Zmeselo]

This blind demon, gave shaleqa Dawit an enormous headache:

[Zmeselo]

The world is now slowly being introduced to the bitter but well-camouflaged reality that is Ethiopia. The country is experiencing unparalleled internal instability and turmoil.

Read & Share Afro Asia Inst.'s The Other Narrative newsletter: pdf file: https://afroasiainstitute.org/wp-conten ... 008-EN.pdf…

[Temt]

ግፍዕታት ኣስጦብያ ይቕረ ዘይብሃል ዓቢ ግብረ እከይ እዩ፡ ኣይረሳዕናዮን! ክንርስዖ ፈጺምካ ዘይሕሰብ እዩ።

[Zmeselo]

እቲ መንገዲ እንተሓይሉ፡ እቶም ሓያላት ጥራይ እዮም ዝኸድዎ!

When the going gets tough, the tough gets going!

General Sebhat Efrem

ወትሩ ሃገረይ!



John Pilger, the prominent british journalist, authored several articles about Eritrea in the 1970s, during which he had multiple conversations with the late Tegadalay Andemichael Kahsai; a spokesperson at that time for the Eritrean People's Liberation Front (EPLF) in London. In this reflection, John Pilger examines the situation of the Cubans and the support from various Eastern Bloc countries for the Mengistu regime against the EPLF. This analysis emphasizes the EPLF's focus, discipline, connectivity, and confidence during a pivotal time in its struggle for Independence.



It is important to reflect on how Eritrea and the Ethiopian regime were portrayed in the media, during the Haile Selassie and Mengistu regimes. Despite the challenges, the people of Eritrea have shown courage and steadfastness throughout this period. This piece, written by Mark Crail, highlights that British MP Stuart Holland, Labour's spokesperson, recognized the victories of the Eritrean People's Liberation Front (EPLF) in Marsa Teklai on the Red Sea coast. He informed the Tribune that the battle lasted approximately 48 hours and involved 10,000 Ethiopian soldiers. Additionally, Col. Ghirma Tesema was captured by the EPLF during the conflict at Marsa Teklai.

[Fiyameta]

UAE-COLONIZED ETHIOPIA? WOW!

Ethiopia: Too Big to Fail or
Too Failed to Stay?


https://afroasiainstitute.org/wp-conten ... 008-EN.pdf