Center for research and documentation ማእከል ምርምርን ስነዳን ግዱሳት ሃገራዉያን
tordsoSpengmh7g4mlmmtam8hcll08mm
ሓጺር ጸብጻብ!
---
ሎሚ ዝበጽሓና ጸብጻብ ከም ዝሕብሮ: ድሕሪ'ቲ መንግስቲ ብልጽግና ምስ ሶማሊላንድ ዝገበሮ ስምምዕ (memorandum of understanding): ኣብ ዞባና ሓድሽ ፖለቲካ ማዕበል ተቐልቂሉ'ሎ። በዚ መሰረት: መንግስቲ ግብጺ ድሮ ምስ መንግስቲ ሶማል ኣብ ወተሃደራዊ ምትሕግጋዝ ዘተኮረ ስራሕ ምጅማሩ ክፍለጥ ተኻኢሉ'ሎ። ጸብጻባትና ከም ዝሕብሩዎ ዘለዉ: ሰራዊት ግብጺ ንሓይልታት ሶማል ከሰልጥንን ክዕልምን ምጅማሩ: እቲ ፈኸም ክብል ዝጸንሐ ድጉል ሽግራት: ዕርቃኑ ቀሊዑ ንደገ ምዉጽኡ የአንፍት ይብል።
> ሰልፊ ብልጽግና: ምስ መሻርኽተይ ዝብለን ሃገራት ተጻሚዱ ዝኸዶ ዘሎ ዕዉር ፖለቲካዊ ሓዲድ: ንህዝቢ ኢትዮጲያ ኣብ ተነጽሎ የእትዎ ምህላዉ ብዙሕ ዘማትእ ኣይኮነን ይብሉ ዲፕሎማሴኛታት ዞባና።
> ምስ መንግስቲ ሶማል ፍጹም ተባቲኹ ዘሎ ቀ/ሚ ኢትዮጲያ: ኣቐዲሙ'ዉን ምስ መንግስቲ ኤርትራ ዝምድና ከባትኾ ዝኽእል ዘረባታት ክፍኑ ምጽንሑ ከይጠቐሶ ኣይሓለፈን።
> ኣብ ሱዳን'ዉን ምስ ጀ/ ደጋሎ ብምጽጋዕ: ኣንጻር ሰራዊት ሱዳን ክሰርሕ ምጽንሑ ጭቡጥ ሰነዳት ተታሒዞም ይርከቡ።
> ብዘይካ'ዚ: ኣብ ዉሽጢ ኢትዮጲያ ማእለያ ዘይብሎም ጸገማት ፈጢሩ: ቁጠባ'ታ ሃገር ኣብ ባይታ ኣዉዲቑዎ'ሎ። ብጀካ'ቲ ኣብ ክልል ኣምሓራ ዘካይዶ ዘሎ ቀጻሊ ጎነጽ: ስምምዕ ፕሪቶርያ ንኸይትግበር ብምሕንጋድ: ህዝቢ ትግራይ ናብ ኣደዳ ድርቅን ዓጸቦን ምቅሉዑ ክሕባእ ኣይክእልን። ጸብጻባትና ከም ዝሕብሮ: መንግስቲ ኤርትራ ስምምዕ ፕሪቶርያ ንኽትግበርን ህዝቢ ትግራይ ድማ ናብ ንቡር ሂወቱ ንኽምለስን ካብ ምጥንቃቕ ኣይተቖጠበን ዘሎ።
ኣብ መደምደምታ- ኣብ ኣፋፌት ሓመድ ድበ ዝርከብ ሰልፊ ብልጽግና: ኣብ ስልጣን ናይ ምቕጻል ካብ ዘለዎ ክቱር ድሌት ተበጊሱ: ኣብ ዉሽጢ ኢትዮጲያ ይኹን ዞባና: ንቀጻሊ ግጭታት ባይታ ዘጣጥሑ ምትኑዃያት ኣብ ምፍብራኽ ተጸሚዱ ይርከብ። እንትኾነ: ንቕሓት ህዝብታት ቀርኒ ኣፍሪቃ: ብዓቢኡ ድማ ንቕሓት ህዝቢ ኢትዮጲያ: ካብ መድረኽ ናብ መድረኽ ኣብ ምብራኽ ስለ ዝርከብ: ፖለቲካዊ ጥምዘዛ (political diversion) ሰልፊ ብልጽግና ፍጹም ከም ዘየዐሽዎ ኣይንማታእን ይብል'ቲ ጸብጻብ።
ኣስመራ