Nakfa Press
Eritrea 
"ስነ-ጽሑፍ ንመንነት ዘንጸባርቕ እዩ" ስነ ጥበበኛ፣ጋዜጠኛ፡ ገጣሚን ጸሓፊን ልብ-ወለድን፡ ኣሕመድ ዑመር ሸኽ ፣ ኣብ ሚኒስትሪ ዜና ኣብ ምምዕባል ስነ-ጽሑፍ ዓረብ ዓቢ ተራ ዝተጻወተ መስራቲ ኣባል ክፍሊ ዓረብኛ ኢዮ።ኣብ ዓመታት (1987-1995-1997-1999ዓ.ም) ናይ ግጥምን ስነ-ጽሑፍን ብርክት ዝበሉ ሽልማት ዝወሰደ ኣሕመድ ዑመር ሼክ ጽሑፋቱ ካብ ፖለቲካዊ ጽሑፋት ክሳብ ልብ-ወለድ ዝዝርጋሕ ጽሑፋት ዘበርከተ ምካኑ ብዙሓት ኤርትራውያን ይምስክርሉ።
ስርሓት ኣቶ ኣሕመድ ምስ ካልኦት ጸሓፍቲ ብዓለምለኻዊ ደረጃ ክዝከር ኣኽኢልዎ’ዩ። ብዘይካ’ዚ፡ ሄን ልምያድ ኣልኳሪብ (1993)፡ ትፋሴል ኢማራ ጋደማ ምን ኣልሱዳን (1994)፡ ከምኡ’ውን ራቕሳት ኣልተወር (2003) ዘሕተምም ግጥምታቱ እዮም። ውሑዳት ግጥምታቱ ገለ ደርፍታት ኮይነን እየን። እታ ቀዳመይቲ ኣብ 1997 እያ ነይራ፡ ብዛዕባ ሃገር እትገልጽ ደርፊ ኮይና፡ ብኣፈ-ታሪኽ ሱዳናዊ ድምጻዊ መሓመድ ዋርዲ ዝተደርፈት እያ። ካልኦት ብዙሓት ግጥምታት ናይ ኣሕመድ ዑመር ሼክ ናብ ደርፊ ተቐይሮም ኣለዉ።
ብዛዕባ እዋናዊ ጉዳያት ዝተፈላለያ እዋናዊ ፖለቲካዊ ጽሑፋት፣ ገለ ካብ ጽሑፋቱ ናብ እንግሊዝኛ ተተርጒሞም ኣብ ዝተፈላለየ መርበብ ሓበሬታታት ተዘርጊሖም ኣለዉ።
ስነ ጥበበኛን ጋዜጠኛን ኣቶ ኣሕመድ ዑመር ሸኽ ሓሙሽተ ልብ-ወለዳትን ሰለስተ እኩብ ግጥምታትን ኣሕቲሙ ብዙሕ ሽልማት ረኪቡ።
ካብ ንጉስ ዓብደል ዓዚዝ ዩኒቨርስቲ ብስነ-ቁጠባን ህዝባዊ ምምሕዳርን ብቀዳማይ ዲግሪ ዝተመረቀ ኢዩ። እስታዝ ኣሕመድ ዑመር ሸኽ ኣብ ዉሽጢ 28 ዓመታት፡ ኣብ ተሌቪዥንን ሬድዮን ኤርትራ ከም ቀዳማይ ጋዜጠኛ ኰይኑ ሰሪሑ፡ ከም መራሒ መደብ ንዝተፈላለዩ ኣገደስቲ ሃገራዊያን ጽምብላት ኣልዩ፡ ኣገደስቲ መደባት ዜናን ባህልን ኣቕሪቡ።
ዑመር ሼክ መስራቲ “ሙልተቓ ኣልሒዋር ኣልኢሪትሪ” እዩ። እዚ ኣብ ማዕከናት ሜድያ ኤርትራ ዝፍኖ ዝነበረን፡ ኣገደስቲ ፖሎቲካውን ባህላውን ጉዳያት ኣተኵሮ ዝህብ ዝነበረን መደብ፡ ብመንገዲ ጋዜጣታት “ኣልሓያት”ን “ኣልሸርቕ ኣልኣውሰጥ”ን ካልኦት ብርክት ዝበሉ መርበባት ሓበሬታ ኢንተርነትን ሰፊሕ ሸፈነ ተዋሂቡዎ’ዩ። እዚ መዓስ ጥራይ መስራቲ ኣባል ብርክት ዝበሉ ባህላዉያን ስርሓትን፡ ካብ ቅድሚ 9 ዓመት ኣትሒዙ ኣባል ላዕለዋይ ኮሚቴ ምምማይ ስነ-ጥበባዊ ስርሓትን’ውን እዩ።
ሓደ ካብ መስረትቲ ኮሚቴ ምምማይ ፊልም ኤርትራ (2007-2010ዓ.ም) ከም'ኡ ውን ኣባል ላዕለዋይ በዓል መዚ ዲጂታላዊን ተራን ኣብያተ-ንባብ ካብ (2017ዓ.ም) ኮይኑ ኣገልጊሉ።
ኣገደስትን ፍሉጣትን ጸሓፍቲ ብዛዕባኡ መስኪሮም’ዮም። ገለ ካብኦም ንምጥቃስ፦•
ፍሉጥ ጋዜጠኛን ገጣምን ግብጻዊ ፋሩቕ ሹሻ።•
ህቡብ ግብጻዊ ደራሲ ዩሲፍ ኣልዓቂድ።•
ፕረሲደንት ማሕበር ጸሓፍቲ ሊብያ ዝነበረ ደራሲ ረመዳን ሰሊም።•
ፍሉጥ ኩወይታዊ ጸሓፊ ጣሊብ ኣልሩፋዒ።•
ህቡብ ግብጻዊ ጋዜጠኛ ዘከርያ ዓብደልጀዋድ።•
ክቡር ኣምበሳደር ኤርትራ ኣሕመድ ዓሊ ብርሃን።•
ኤርትራዊ ደራሲ ነፍሲሄር መሓመድ ሰዒድ ናዉድ።•
ሱርያዊ ሃያሲ ኣንጡዋን ኣብራ።ጽባሕ ናጽነት ኤርትራ ናብ ሃገሩ ብምምላስ፡ ግቡኡ ኣብ ምፍጻም ይርከብ። ኣብ’ቲ ኣብ 1998ዓ.ም ዝተኻየደ ወራር ወያነ ብምስታፉ ከኣ፡ ጽሑፋዊ ስርሓቱ ካብ’ቲ ብቀረባ ዝነብሮ ዘሎ ኤርትራዊ ኩውንነት ዝነቐለ’ዩ። ጽቡቕ ሱርና፡ ታሪኽና፡ ክብርታትና ክንፈልጥ ክሕጉዙና ኢዮም ብምባል ኣብ ዝተፈላልየ ኣብያተ ትምህርቲ ንተመሃሮ ኣብ ምጉስጓስ ዝነጥፍ ካብ ኤርትራውያን ጉዳሳት ዜጋ ሓደ ኢዮ።
ናቅፋ ፕረስ See less