- ዓወት ናይ ጽብቕቲ ሓፍትና ኣርያም ወልደ-ኣብ ኣብ ግምት ብምእታው ምስ ሃገረ ምስሪ ዘሎና ምቅርራብ ብምጥቃም ኣነ ምስኣታቶም ኣብ ጉዳይ ሲነማን ኣታኣላላይን (ኢኽራጅ) እንተ ንተሓባበር ጽቡቕ ኔሩ ምበልኩ ።
ምስራውያን ኣብ ዝሓለፈ ዓስርተ-ዓመታ/ት (ዓቕድ/ዑቑድ) ብከም በዓል ነፍስ-ሄር መሓመድ ኻን ዝኣመሰሉ ኣለይትን ደረስትን ተመሪሖም ኣዝዮም ጽቡቓትን መሰጥትን ኣፍላም ኣብ ምፍራይ ስለ ዝተዓወቱ ኣነ ንሕና ካብኣታቶም ብዙሕ ክንማሃር ንኽእል ኢና በሃላይ እየ ። ምኽንያቱ ፊልምታቶም ኣብ ኣኽሽን ዘይኮነስ ኣብ ጉዳይ መዓልታዊ መነባብሮ ስለ ዘቶክር እቲ ኣሳራርሓኦም ምሳና ዝሳማማዕ ስለ ዝኾነ ።
ንኣብነትን ንሌላን ሎሚ ን " ሚሽዋር ዑመር "/ልእኾ ዑመር/ ዘርእስታ ብነፍስ-ሄር መሓመድ ኻን ( ዳርጋ ንምሉእ ዕድሚኡ - ኣብ ምስሪ ተወሊዱ እንከሎ - ዜግነት ናይ ሃገሩ ዝተሓረሞ !) ዝጸሓፋን ዝኣለያን ፊልም አቕርበልኩም ።
ዛንታ ናይ እታ ፊልም ብሓጺሩ ፥ ዑመር ዝበሃል መንእሰይ ኣብ እንዳ ወርቂ ዘለዎ ኣቡኡ ተመርኲሱ መነባብሮኡ እንዳ መርሐ እንከሎ ወላዲኡ ናብ ኣብ ጣንጣ ንዝርከብ ዓሚል ንብረት ( ስልማት ወርቂ) ንከብጽሕ ይልእኮ እሞ ኣብ መንገዲ ማኪናኡ ምስ ተሰብረቶ ሓደ ናይ ጽዕነት ማኪና ኣውቲስታ ምስ ኣይታንቲኡ/ተሓጋጋዚኡ ኮይኑ ዝረድኦ ተመሲሉ ገለ ይሰርቆ ።
ኮይኑ ድማ ሓደ ኣብ ሓንቲ ሃገረ-ሰብ ትርከብ እንዳ በንዚና ዝሰርሕ ዑመር ዝተባህለ ወዲ ሓገዝ ምስ ኣቕረበሉ ኣብ ክልቲኦም ምቅርራብን ዕርክነትን ስለ ዝተፈጥረ ብሓንሳብ ክጓዓዙ ይምድቡ ። ኣብ እግረ-መንገዶም ንሓንቲ " ካብ በናት ኣል-ለይል/ኣዋልድ ምሸት " ምስ ረኸቡ ቅሩብ ኣብ ጸዎታን ዕብዳንን መስተን ይኣትዉ ።
ነገራት ከምኡ ኢሎም እንከለዉ ሌባ ተሓቢኡ ኣብ ጋባ ከም ዝበሃል ወዮ ዘዋር ጽዕነት ማኪና ነታ ተሰቒሎማ ዝነበሩ BMWን ኣብ ውሽጣ ዝነበረ ወርቂ ዝመልአ ሳንጣን ስለ ዝሃረፈ ተጻናቲዉ ኣብ ምክትታሎም ይኣቱ .....
በሳኣእላ ኣዝያ መሳጢት ስለ ዝኾነት ነቲ ኣነ ዝሃብኩኹም ሓፈሻዊ ሓበሬታ ተጠቂምኩም ነታ ፊልም - ዋላ ብዓረብ እንተኾነት - ብኹላ ክትዕዘብዋ ይላቦ !!
ሓውኹም ወዲ ኣብራሃም ኣል-ሰሓርቲ ኣል-ሰምሃሪ
- " ሚሽዋር ዑመር "/ልእኾ ዑመር/
-