ሕጂ እዉን ርዝን ንበል!--
ጓል ፈዳይን ሻዕቢያ - Ethio 360፣ Ethio Forum፣ Feta daily ወዘተ ... ዝተባህሉ ኢትዮጵያዉያን ናይ ዩቱብ ሸቃሎ፣ ንኤርትራዉያን እንታይ እዩ ዝስሕብ ኢሎም ናይ ፈጠራ ወረታት ይዝርግሑ ኣለዉ።
እቶም ኣብ 1998 ዓ.ም
እንዳደረፉ ንሃገርና ኤርትራ ዝወረሩ ተጋሩ ድማ ካብ'ዚ ናይ youtube ሕክያታት ዝወደቐ ዓጽሚ ክኣርዩ ንዕዘቦም ኣለና።ኣምሓራ ኣሎ በሎ፣ ጋምቤላ ኣሎ በሎ፣ ኦሮሞ ኣሎ በሎ፣ ቤንሻንጉል ኣሎ በሎ
ገለ ኤርትራዉያን ናይ youtube ሸቃሎ እዉን ነዚ መረጋገጺ ዘይብሉ ሕክያ ናይ ኢትዮጵያዉያን ናይ youtube ሸቃሎ ናብ ቋንቋ ትግርኛ ከምዘለዎ እንዳተርጎሙ ናይ እለት ድራሮም የብስሉ ኣለዉ።
ንዘዝተሰንደወሉ ኣጀንዳ ኣልዒሉ ዝጎዪ ዕስለ ኤርትራዊ ድማ ማእለያ የብሉን። ስም ኤርትራ ኣብ ዝተጻሕፈሉ ፎቖዶ ናይ ኢትዮጵያዉያን ናይ youtube ቻነላት ጭንን ክብል ይዉዕል ኣሎ።
መረጋገጺ ብዘይብሉ ሕክያ ናይ youtube ዝርበሽ፣ ተረቢሹ ንኻልእ ዝርብሽ ብዙሕ እዩ።
ደመኛታት ጸላእቲ ነዚ ፈሊጦም ብሓይሊ ብረት ከንበርክኽዎ ንዘይከኣሉ ህዝቢ ኤርትራ ብፈጠራ ሕክያ መኣዝኑ ከስሕትዎ ልዕሊ ዝኾነ እዋን ስትራተጂ ሓንጺጾም፣ ገንዘብ መዲቦም ይሰርሑ ኣለዉ።
ብርግጽ ድማ እንተስ ብግርህናኡ እንተስ ብድንቁርናኡ ነዚ ሕክያኦም ዝሕሽሸሎም ኤርትራዊ ኣይሰኣኑን።
ከልቢ ጥራይ እዩ መን ሰንድይዎ ብዘየገድስ ንዘዝተሰንደወሉ ዓጽሚ ኣልዒሉ ዝጎዪ።
ደቂ ኤርትራ:-
ሕጂ እዉን ሓደ መረጋገጺ ዘይብሉ ሓበሬታ ብተደጋጋሚ ብጸላእቲ ክንዛሕ ከሎ እንታይ መረጋገጺ ኣሎ፣ ስለምንታይ ሕጂ፣ መን የዉርዮ ኣሎ ኢልና ክንሓትት ይግባእ።
>ሃብታሙ ኣያሌዉ ድዩ ንኤርትራ ሓልዩ ብዛዕባ ቀይሕ ባሕሪ ዝሕለቕ ዘሎ?
>ምናላቸዉ ስማቸዉ ድዩ ብዛዕባ ወደብ ዓሰብ ዝሓምም?
>ብሩክ ይባስ ዝብልዎ ናይ youtube ተጠዋሪ ድዮ ኤርትራ ከይትዉረር ዝሓምም?
>ኤርሚያስ ለገሰ ብዛዕባ ኤርትራ ድዩ ተሓሊቑ ዝዛረብ ዘሎ?
>መሳይ መኮነን ድዩ ኤርትራ ትብጽሖ ኮይና ዝሓመላ ዘሎ?
>ኣበባ ባየ ዝተባህለ ናይ Ethio Forum ናይ youtube ሸቃሊ ዕሱብ ናይ ተጋሩ ድዩ ኢትዮጵያ ንኤርትራ ከይትወራ ዝሰግእ ዘሎ?
ነስተዉዕል ደኣ ኤርትራዉያን!
እቲ ካልእ ዝገርም ነገር፣ ተጋሩ ብዛዕባ ዋንነት ቀይሕ ባሕሪን ንልኡላዊነት ኤርትራ ዝግህስ ዘረባ ክዛረቡ ከለዉ ከም ሓላል ዝቑጸረሉ፣ ብኣምሓርኛ ክዝረብ ከሎ ድማ ናይ ፖለቲካ ረብሓ ንምርካብ ዝጓዉሓሉ ኩነታት ንዕዘብ ኣለና።
እሞሲ:-
Politically conscious ሕብረተሰብ ብቐሊሉ ኣብ መፈንጠራ ጸላእቲ ኣይወድቕን እዩ።
ኤርትራዉያን ርዝን ደኣ ንበል!
