Ethiopian News, Current Affairs and Opinion Forum
-
Abe Abraham
- Senior Member
- Posts: 14414
- Joined: 05 Jun 2013, 13:00
Post
by Abe Abraham » 12 Jan 2023, 22:16
- እዚ ኣዝዩ ኣገዳስን ዕምቆት ዘለዎን ጽፉፍ ትንተና ሓው ሳይመን ወልደ-ሚካኤል ኣብ ሓንጎለይ ሓንቲ ሕቶ ቅጅል ከም ትብል ይገብር ። እቶም ደመኛታት ጸላእቲ ህዝቢ ኤርትራ ስላም ኢትዮ-ኤርትራ ጋህዲ ምስ ኮነ እቲ ሰላም ዋላ 'ውን ንጥቕሞም ክኸውን ከም ዝኽእል እንዳ ፈለጡ ብሕስድና ዕብድብድ ከም ዝኣተዎም ክንፈልጥ ክኢልና ኮይኑ ግን እቶም ደቂ ሃገር ዝበሃሉ ኮብለልቲ ኸ እንታይ ነገሮም ?
ወዲ ሃገር ተባሂልካ ኤርትራ ክትረብሕ እያ እንዳበልካ ምዕልባጥን ምሕሳድን ከ ንምንታይ ኣድለየ ? ብሰልዲ ተዓሽዮም ከይበሃሉ እቶም ናይ ሰልዲ ጥራሕ ፍሉጣት እዮም ፡ ብናይ ስለላ መርበባት ተሓቢሎም ከይትብሎም ከም ናይ ጀዋሲስ ብልሒ የብሎምን እቲ ምንታይ ሕስድነኦምን መንቀኝነቶምን ዝባኑ ዝቐልዐ ስለዝኾነ ። ውልቃዊ ጥቖሞም ተተንኪፎም ከይትብሎም ብዙሓት ካብኣታቶም ባዕሎም ነብሶም ካብ ኤርትራ ዘግለሉ ስለ ዝኾኑ ኣብ ውልቃዊ ጥቕሚ ምትንካፍ ስለ ዘይተበጽሐ ። መንግስቲ ማል ሓፋሽ ( ብዘይካ መሬት ዓዲ ኣብ ሓማሴን ) ንምስራቕ ዕድል ኣይህበናን እዩ ኢሎም ኮርዮም እንተ ኮይኖም ኣብ ሃገርና ብመሰረቱ ንምስራቕ ዕድል የለን ።
ነገሩ ከምቲ ቀደም ብሰንኪ ብተደጋጋሚ ኣድቢኻ ጸኒሕካ ተጋደልቲ ህዝባዊ ግንባር ምጭዋይን ምቕታልን ዝኣክል "ናይ ደመኛ ጸላኢ ዝኾነ ምኾነ ናይ'ዚ ዓማ ገሪሙኒ ኣነ " ከም ዝተባህለ ሕጂ 'ውን ናብ 'ዞም ናይ ሎምን ትማልን ኣስደመምቲ መርዛማት መንቀኛታት ምድሃብ ከድልየና እዩ ። ብኻልእ ኣዘራርባ በዓል ቁንጣሮ ግዛዕ-ምዛዕ ሕስድናን ክፍኣተ-ግብርን ስሰዐን ክድምናን ባህርያቶም እንተኾነ ደጊምና እቶም ጸረ-ኤርትራ ከም ሃገርን ህዝብን ዝኾኑ ደቂ ሃገር ዝባሃሉ ኸ እንታይ ነገሮም ?