Mereja.Forum

[Abe Abraham]

ሓደ ኣብ ባር ኣኽሱም መስተ ክሰትን ክዛናጋዕን ዝመጽአ ሰብኣይ ንጁንታ ዝስሙ ቆልዓ ናብቲ ባር ነንዝኣተወ ስብ ማለት ኤርትራዊ ይኹን ኣምሓራይ ወዲ ኦሮሞ ይኹን ካልእ ኢዱ ዓምዩኹ " ምሳይ ቢና ትገጥም ዶ ? " እንዳ በለ ክብድህ እንከሎ ይዕዘቦ እሞ ነታ ዋና ባር " መን 'ዩ እዚ ቖልዓ ? እንታይ ደኣዩ ዝገብር ዘሎ ? " ኢሉ ይሓታ ።

ንሳ ድማ " ኣዲኡ ጆን ትራቮልታ ኢላ ኢያ ኣጠሚቓቶ ንሕና ግን ኣሕጽር ኣቢልና ጁንታ ኢና ንብሎ ። ንእሽተ ስለ ዝኾነ እንታይ ይገብር ከም ዘሎን ትርጉም ናይ መዘናን ኣይፈልጥን እዩ ። ብፍላይ ከኣ ኣብዚ ዝመጽእ ኣሜሪካዊ ብዶላር ሞቕሽሽ ሂብዎ ምስ ዝኸይድ ብዝያዳ ተራሳሲኑ ምስ መስትያት ከይተረፈ ኣብ ግጥም ይኣቱ ። ስለ ዝኾነ ኣነ ሓደ መዓልቲ ነብሱ ከይሃስን ገሊኦም ጠባዩ ቅጭ ምስ ኣምጸኣሎም ከየላድድዎን ስግኣት ኣሎኒ ። እንታይ ፈሊጠ ፡ ሓደ መዓልትስ ሕማቕ ከየርኣየና ኣይተርፍን 'ዩ ። " ኢላ መሊሳትሉ ።