u8f1tpo36s1ff2o0fceg1atg4h ·
ምግፋሕ ወደብ ባጽዕን ስደተኛታት ክልል ትግራይ ናይ ምእንጋድን መደባት
===
መንግስቲ ኤርትራ ወደባት ባጽዕን ዓሰብን ናይ ምሕዳስን ሱር በተኻዊ ጽገናታት ናይ ምግባርን መደባቱ ብዝለዓለ መልክዕ ቐጺልዎ'ሎ። ከመይ ትዉዕሉ ኣንበብቲ ማ/ም/ስ/ግ/ሃ- ካብ ወደባዊት ከተማ ምጽዋዕ ብዝበጽሓና ደስ ዘብል ሓበሬታ መሰረት፡ መንግስቲ ኤርትራ ወደብ ባጽዕ ናይ ምጽጋንን ምግፋሕን ስራሕ ብወግዒ ጀሚሩዎን ዓበይቲ ናይ ትሕተ ቕርጺ ንጥፈታት የካይድን ኣሎ። እዚ ኣብ ዉሑድ ዓመታት ክዛዘም ተስፋ ተጌሩሉ ዘሎ ናይ ጽገና ንጥፈታት፡ ንወደባዊት ከተማ ባጽዕ ናብ ዝለዓለ ብራኸ ክወስዳ ሙዃኑ እቲ ጸብጻብ መሊኡ የመላኽት።
ኣብ ካልእ ምዕባለ- ብወገን ራማ ብብዝሒ ዝዉሕዙ ዘለዉ ስደተኛታት ክልል ትግራይ፡ ኣብ ዶባት ኤርትራ ዘድሊ ሓገዛት ይገበረሎም ኣሎ። መንግስቲ ኤርትራ ነዞም ብጥይት እንዳ'ተሃድኑ ዶባት ቖሪጾም ናብ ኤርትራ ዝዉሕዙ ዘለዉ ስደተኛታት፡ ዘድሊ ሓገዛት ዝቕርባ ሹቓት ብምኽፋት፡ ቴንዳታት ብምድላዉ፡ መግብን ካልእ ዘድሊ ሓገዛት ብምድላዉን የአንግዶም ኣሎ።
