ታሪኽ ናይ ሓንቲ ሃገር ታሪኽ ናይ ኩሉ ህዝባ’ዩ። ከም ኤርትራዊ መጠን ታሪኸይ ኣበይ ኣሎ ኣይትበል። እቲ ተሰኒዱ ዘሎ ታሪኽ ንቃልሲ ህዝቢ ኤርትራ ዝነግር ድኣንበር፡ ንህዝባዊ ግንባር ካብ ህዝቢ ኤርትራ ነጺልካ ብዘስምዕ ኣተራጉማ ክንበብ ኣይግባእን። ታሪክ ህዝባዊ ግንባር፡ ታሪኽ ህዝቢ’ዩ። ታሪኽ ህዝቢ፡ ታሪኽ ህዝባዊ ግንባር’ዩ። ህዝባዊ ማለት፡ ንህዝቢ ዝውክል ኣምር’ዩ። ግንባር ማለት፡ መሪሕ ማለት’ዩ። ስለዚ ህዝባዊ ግንባር ማለት፡ ህዝቢ ብግንባር ዝምራሕ ማለት’ዩ። ሓንቲ ስድራ ቤት ብእንዳ ኣቶ እገለ ተባሂላ ክትጽዋዕ ከላ፡ ኣቶ እገለ ጥራሕ ኣይኮነን ዝነብረላ ወይ ዝከናኸና። ኩሎም ኣብታ ስድራ ዘለዉ፡ ቤቶም ጥዕና ክህልዋ ኣእጃሞም ይገብሩ። ስለዚ ታሪኻ ክትፈልጥ፡ መዝገብ ታሪኽ ህዝባዊ ግንባር ፈትሽ። እቲ ንህዝባዊ ግንባር ካብ ህዝቢ ኤርትራ ነጺሉ ዝርኢ፡ ኣብ ጉዕዞ ታሪኽ ህዝቢ ኤርትራ ኣበርክቶ ዘይነበሮ፡ ወይድማ ንኣበርክቶኡ ዝኸድዔ ጥራይ’ዩ።
ኣብ ቃልሲ ንነጻነት፡ ኩሉ ዜጋ ኣብ ሓደ መደብ ኣይኮነን ዝምደብ። ከምቲ ወዲሰብ ዝተፈላለዩ ነናቶም ዝሰርሑ ክፋላት ኣካላት ዘለዎ፡ ህዝባዊ ግንባር’ውን ኣብ ዝተፈላለዩ መደባት ተመዲቦም ዝቃለሱ ሰራዊትን ህዝብን ኔሩዎን ኣሎዎን። ብዘይ ደጀን ቅድመ ግንባር፡ ወይ ደጀን ብዘይ ቅድመ ግንባር፥ ህዝቢ ብዘይ ተጋደልቲ፡ ወይ ተጋደልቲ ብዘይ ህዝቢ ምህላው ሰውራ ኤርትራ ብሓደ ኣካል ናይ ዝተጠቕሱ ምሳሌታት ክዕወት እምበይምኻኣለን። እመትን ስድርን፡ ክሊቲኡ መዔቀኒ’ዩ። ንስድሪ ብእመት ክትዕቕና፡ ትዓብያ። ንእመት ብስድሪ ክትዕቅና፡ ትንእሳ። ግን ኩሉ መለክዒ እዩ። ሰውራ ከኣ ኮምኡ’ዩ። እቲ ኩሉ ገዲፉ ንሜዳ ዝወጸን ተጋዳላይን፡ እቲ ዓንዲ ሕቆ ሰውራ ዝኾነ ህዝብን፡ ብቕልል ዝበለ በዛ ቀላል ዝሃብኩዋ ምሳሌ ክንርድኣ ንኽእል መስለኒ። ኣብቲ ታሪኽ ምስራሕውን፡ ልክዕ ኮምኡ። ህዝቢ ኤርትራ ኩሉ ጀሚሩ ክሳብ ሕጂ ቃልሱ ዘየቋረጸ፡ ዘበለ ጅግና’ዩ። ኣብ ውሽጢ ጅግና ህዝቢ ከኣ፡ ናይ ጀጋኑ ጅግናታት ኣለዉ።
እቶም ብውልቃውን ዓሌታውን ኣውራጃውን ሃይማኖታውን፡ ዝገደደ ድማ ጽምኢ ስልጣናዊ ባህጎም ዝበርዓኖም ከድዓት መሳርሒ ዓመጽቲ ዝኾኑ ደቂ ሃገር፡ ታሪኾም ኣብ ታርኽ ህዝቢ ኤርትራ ብዘሕፍርን ዘጸይፍን ነውራም ተግባራቶምን፡ ስኑድ ምዃኑ ክፍለጥ ይግባእ። እቲ ዘሕዝን፡ ንባዕሎም ጥራሕ ከይከውን ንውሉዳቶም ዘሕፍር ውርሻ ምርካቦም እዩ። ግን ነዚ ናይ ክድዓት ውርሻ ምቕባልን ዘይምቕባልን ግደ ደቆም ይኹን እምበር፡ ንተግባራትን ክድዓትን ወሎዶም ምስ ዝኹኑኑን፡ ኣብ ሓፋሽ ዝገብሮ መኸተ ምስ ዝሳተፉን፡ እቲ ክድዓት ንዕኦም ኣይምልከቶም። እኳድኣ፡ ብህዝብን መንግስትን ልዑል ኣድናቖት ክረኽቡ ይኽእሉ።
እዞም ብኽድዓት ዝፍለጡ ዓበይትን ምሁራትን፡ ንገለ ሰባት ከም ንቑሓትን ብፖሎቲካ ብሱላትን መሲሎም ይርኣዩዎም እዮም። ጌጋ እዩ። ከም ትምህርቲ፡ ምሁራት እዮም። እንተ ኣብ ፖሎቲካ ግን፡ ከምቲ ጥጥቖ ኣደጉራ ምስ በሰለ ከትበልዖ ከሎኻ ጀሮሮ ዝበሃል ዘይበስል ጥረ ዝርከብ ኮምኡ’ዮ። ከላስ ጥረ ክትቁርጥሞ ዘይትኽእል። ባህርያቶም ቅንኢ፡ ጽልኢ፡ ሓሶት፡ ትዕቢት፡ ትምክሕቲ፡ ንቕሓት ኣልቦ ምዃኖም ናይ ከደምቲ ከደምቲ እዮም። ሓደ ወይ ሓንቲ መንእሰያት ኣብ ርሑቕ ገጠራት ኤርትራ ኣብ መጓሰ ዝነብሩ ብዛዕባ ፖሎቲካውን ታሪኻውን ቃልሲ ኤርትራ ምስ ትሓቶም፡ ካብዞም ሙሁራት ግን ከኣ ደናቁር ትረኽቦ መልሲ ጓሶት 100% ቅኑዕ ክምልሱ ከለዉ፡ እዞም ምሁራት ዕሱባት 10% (ብዓይኒ ንቕሓት ኣብ ሞንጎ ጓሶትን፡ ዑሱባት ምሁራትን ብምውድዳር) ውጺኢት ኢና ንረክብ። እዞም ማህደር ታሪኽ ህዝባዊ ግንባር ማህደር ታሪኽ ህዝቢ ኤርትራ ከይግንጸል፡ መንእሰያት ገንጺሎም ኩፍኦም ከይፈልጡ ዝገብሩ ዘለዉ ሸፋቱ፡ ከዳዕ ታሪኾም ከይንበብ፡ ስም ጀጋኑ ከጸልሙን ህዝባዊ ግንባርን፡ ህዝቢ ኤርትራ ዝበሃሉ ክልተ ተጻረርቲ ኣካላት ከምዘለዉ ጌሮም ኣብ ምታላልን ምድንጋር መንእሰያት ንሓያሎ ግዜ ዝተዋፈሩ ጁሉሓት፡ ሎሚ ከም መንገብገባ ዝተሃርመት ዑፍ ምንፋር ሲኢና ትሳቐ፡ ተስፍኦም ብሰንኪ ጻዕረ ሞት ጁንታ ጸልሚቱ፡ ኣብ ስቓይ ይርከቡ ኣለዉ። እዞም ሩኹሳት፡ ጁንታ ክትዕወት እሞ፡ ኣብ ትግራይ እናተማላለሱ ብምወላ ህወሓት ኣብ ኤርትራ ግብረ ሽበራዊ ስርሓት’ዮም ከካዩዱ ዝውጥኑ ኔሮም።
ምዃኑ፡ ክወሓጠሎም ኣይክእልን።ህዝቢ ኤርትራ ሰውራዊ ስሙ ህዝባዊ ግንባር
ኤርትራ፡ ዕድለኛ እያ። እንቛዕ እዞም ለሓስቲ ትፍኦም ጥራሕ ኣይኮኑ፡ ምሁራታ። ከም ትጽቢት ካብዚ ሓላል ህዝቢ መሪር ቃልሲ ተቓሊሱ ዝተዓወተ ከምዚኦም ዝኣመሰሉ ክርከቡ ትጽቢት ህዝቢ ስለ ዘይነበረ
እንተዘይኮይኑ፡ ብዛዕብኦም ምዝራብ ኣይምተገብኤን። ምኽንያቱ ሕሱር፡ መጠን ነብሱ ከሕስረካ ስለዝፍትን። በቲ ሓደወገን ከኣ፡ እዞም ድሕሪ ነጻነት ዝተወልዱ መእሰያት ናይዞም ጠላማት ሓተላ ዝኾነ ታሪኾም ክፈልጥዎ ስለ ዘለዎም፡ ክትዛረብ ትግደድ።
ነባሪ ዝኽሪ፡ ንሰማእታትና!
ዓወት ንሓፋሽ!
ገብረንጉስ መስመር
_____
ኣስማት መልክዕ ስለ ዘየርኢ፡ ስእሊ ናይቶም ንዛረበሎም ዘሎና ጸረ ሓፋሽ ህዝብናን ሃገርና ዝኾኑ ዘይፈልጦም ዘሎኳ ኣይመስለንን፡ ግን እንሆ።
እዚኦም ዳን ኮነል ዋንኦም፡ በረኸት ሃብተስላሰ ጓስኦም፡ ንህዝባዊ ግንባርን ህዝቢ ኤርትራን ከም ክልተ ተጻረርቲ ኣካላት ጌሮም ኣብ ሃገርን ህዝብን ሓዊ ከእትዉ ብጃንዳ ዝተዋህቦም መደብ ዕዮ ከተግብሩ ዝተሸሙ፡ ኣብዚ ሕጂ ግዜ ግን ከም ኣንጭዋ ኣብ ማይ ዝኣተወት ዝበስበሱ፡ ትልኽ ምባል ግን ዘይገደፉ፡ ኣብ መዝገብ ታሪኽ ከድዓት ሰፊሮም ካብ ዝርከቡ ገለ’ዮም።
brothers 
