415uihhp908co55st28euuh10m ·
ዓቕሊ ጽበት ጃንዳ ማለሊት ካብ ኣፍ ዶ/ ደብረጼን ገ/ ሚካኤል
=====
ጃንዳ ማለሊት ኣብ ህዉጽ ናይ "ቤላ ቤሎዉ" መገዲ ተሸኺላ ከም ዘላ ድሮ ብዝወጹ ዘለዉ ዜናታት ክንርዳእ ንኽእል። ኣብ ዝሓለፉ 3 መዓልታት፡ ዕሱብ ሰራዊት ጃንዳ ማለሊት 150 ኪ/ሜ ንዉሽጢ ክልል ዓፋር ጥሒሱ ብምእታዉ፡ ተኸፊቶም ንዝጸንሑ ናይ ርዳእታ መስመራት ክዓጹ ድሕሪ ምኽኣሉ፡ ፈደራል መንግስቲ ኢትዮጲያ ነቶም መስመራት ንምኽፋትን ኣብ ህዝቢ ዓፋር ዝወርድ ዘሎ ግፍዒ ደዉ ንምባልን፡ ስጉምቲ ንምዉሳድ ወሳነ ክወስድ ተገዲዱ'ዩ። ብዘይካ'ዚ ጃንዳ ማለሊት ብሰሜናዊ ምዕራብ ኢትዮጲያ ቐጻሊ ወተሃደራዊ መጥቃዕትታት ብምኽፋት፡ ነቲ ካብ ህዝቢ ትግራይ ዝመጻ ዘሎ ቕልጡፍ ዉሽጣዊ ናዕቢ ንምቑንጻብ ላዕልን ታሕትን ክትብል ተራእያ ኣላ። ድሮ ዉን ኣብ ዉሽጢ ትግራይ ዝርከቡ ተሰማዕቲ ሰባት፡ ማለሊት ህዝቢ ትግራይ ንምድሓን ዓቕሚ ከም ዘይብላን ስልጣን ሓዲጋ መሰጋገሪ መንግስቲ ኣብ ክልል ትግራይ ንኽምስረት ዘኽእል ባይታ ክትፈጥርን ኣብ ምጽዋዕ ቐንዮም ኣለዉ። ኩነታት ህዝቢ ትግራይ ናብ ዝኸፍአ ደረጃ ወሪዱ ምህላዉ'ዉን ኣብ'ታ ክልል ዝነጥፉ ዘለዉ ትካላት ረዲኤት የብርሁ።
እዚ ከም'ዚ ኢሉ እንከሎ፡ ዶ/ ደብረጼን ገ/ ሚካኤል፡ ናብ ዝበዝሓ መርበባት ሓበሬታ ኣብ ዝለኣኾ መልእኽቲ፡ ማለሊትን ፈደራል መንግስቲ ኢትዮጲያን ኣብ ዝርርብ ሰላም ተስፋ ዝህብ ኣንፈታት ኣርእዮም ከም ዘለዉ ብምሕባር፡ ነቲ ኣብ ክልል ዓፋር ክካየድ ዝተራእየ ከቢድ ግህሰት መሰል ደቂ ሰባት ንምኽዋል ሃቂኑ'ሎ። እዚ ምስ'ቲ ጃንዳ ማለሊት ቕድሚ 2 መዓልቲ ዘዉጽኣቶ መግለጺ ፍጹም ዘይሳነን ብዓንደርእሱ ናይ ጥምዘዛ (ፕሮፖጋንዳ) ስልቲ ምዃኑ ንጹር ጌሩዎ ይርከብ።
ነተኣሳስሮ፦
1- ዕሱብ ሰራዊት ጃንዳ ማለሊት ናብ ክልል ዓፋር ጥሒሱ ብምእታዉ፡ ኣብ ልዕሊ ህዝቢ ክልል ዓፋር ከቢድ ቕልዉላዉ ኣስዒቡ ይርከብ። 150 ኪ/ሜ ንዉሽጢ ክልል ዓፋር ዝኣተወ ዕሱብ ሰራዊት ጃንዳ ማለሊት፡ ብወገን ወልቃይት፡ ሑመራ፡ ጸገዴ፡ ማይ ጸብሪ ዉን ቐጻሊ ምትኹታኽ ኣብ ምግባር ቐንዩ እዩ።
1- መሪሕነት ጃንዳ ማለሊት፡ ንዝሓለፉ 2 ኣዋርሕ ክካየዱ ዝጸንሑ ናይ ሰላም ምንቅስቓሳት ምሉእ ብምሉእ ብምዕጻዉ፡ ሰራዊት ኣብ ምምልማል፡ ወራር ኣብ ምፍጻም፡ ቃፍላይ ሰብኣዊ ርዳእታ ኣብ ምዕጋት ተጎቢኣ ጸኒሓ'ያ።
3- ካብ'ዚ ብምብጋስ፡ ፈጻሚ ስራሕ ሰልፊ ብልጽግናን ፈደራል መንግስቲ ኢትዮጲያን፡ ኣብ ልዕሊ ጃንዳ ማለሊት ስጉምቲ ክዉሰድ ብምዉሳን ነቲ ኣብ ሰሜናዊ ክፋል ኢትዮጲያ ዘሎ ኩነታት መዓልቦ ክገብረሉ ነቒዱ'ሎ። ከም ዉጽኢቱ ድማ ሓይሊ ፈደራል ኢትዮጲያ ኣብ ቕልጡፍ ወተሃደራዊ ምቅርራብ ተጸሚዱ ይርከብ።
4- ባይቶ ጸጥታ ዉድብ ሕቡራት ሃገራት፡ ነቲ ብመንግስታት ኣየርላንድ፡ ኣሜሪካ፡ ብርጣንያን ነርወይን ዝቐረበ እማመ ክዛተየሉን ኣብ ክልል ትግራይ ከቢድ ጥምየት ወሪዱ ምህላዉን ክትርኽ ተራእዩ። ግን ነቲ ኣብ ልዕሊ ክልል ዓፋር ዝካየድ ዘሎ ወራር ፍጹም ክጠቕሶ ኣይመረጸን።
5- ሓደ ካብ ኣሳሰይትን ከደምትን ጃንዳ ማለሊት ጋዜጠኛ ማርቲን ፕላዉት፡ ሓደ ካብ መንግስቲ ወጺኡ ዝበሎ ሰነድ ብምፍብራኽ፡ ኣብ መንጎ መንግስቲ ኢትዮጲያን መሪሕነት ጃንዳ ማለሊትን ዘተ ሰላም ይካየድ ምህላዉ ክገልጽ ተራእዩ እዩ። ኣብ'ዚ ከይተሓጽረ'ዉን ኣሜሪካ መንግስቲ ኤርትራ ንምእላይ (ብሓይሊ ንምእላይ) ድሌታት ከም ዘለዋ ኣንፈታት ክህብ ተራእዩ።
6- ልክዕ 12 ድሕሪ'ዚ ዝተኣሳሰረ ምዕባለታት፡ BBC ትግርኛ፡ VOA ትግርናኛን ካልኦትን፡ ኣብ መንጎ ጃንዳ ማለሊትን ፈደራል መንግስቲ ኢትዮጲያን ዘተ ሰላም ጀሚሩ ምህላዉ ክዛረባ ተሰሚዐን።
እዘን 6 ነጥብታት ምስ ዝተኣሳሰራ፡ ነቲ ሕጂ ብጃንዳ ማለሊት ክንዛሕ ተመሪጹ ዘሎ ናይ "ዘተ ሰላም ትረኻ"፡ ምሉእ ብምሉእ ንፕሮፖጋንዳዊ ሃልክታት ተባሂሎም ዝንዝሑ ከም ዘለዉ ብንጹር ክንርዳእ ንኽእል።
