Mereja.Forum

[Abe Abraham]

• 
  ኣብ ቋንቋ ጀርመን ሓደ ሓደ ካብ እንግሊዝ ዝተወስደ ቃላት ግን ኣብ እቲ ቋንቋ ኣትዩ ናይ ገዛእ ርእሱ ሂወት ዝመርሕ ኣሎ። ንኣብነት ንተንቃሳቓሲት** ቴለፎን handy ኢሎም ይጽውዕዋ !!
  
  ብሸነኾም ምስራውያን ን over ዝብል ቃል ናይ እንግሊዝ ወሲዶም ሓደ ሰብ ንገለ ጉዳይ ኣጋዲዱ ወይ ካብ መጠኑ ኣብዝሕ ኣቢሉ ከቕርብ ክርእይዎ እንከለዉ " ዳ ዓመልሃ ኦቨር ሺወያ " ይብሉኻ ። ወይ ከኣ ኣብ'ዚ ነገር ቅሩብ ምግዳዳ ኣሎ ክብሉ እንተደልዮም " ሂና ፊ ኦቭወራ ሺወያ " ይብሉኻ ። ካብ ኦቨር ኦቭወራ ኣውጽኦም ማለት እዩ ።
  
  ናብ ህልዊ ክንምለስ ገለ ኣብ'ዚ ዘለዉ ኣሕዋትና ከም ባዓል ታሪኾም ምስራቕ ቅሩብ ኣብዚሕዎ ክርእዩ እንከለዉ " ዳ ዓመልሃ ኦቨር ሺወያ ! " ክብሉ ይኽእሉ ማለት እዩ ።
  
  ** ኣብ ስድራና ኣብ ክንዲ ሕጽር ዝበለት ሞባይል ( ቴለፎን) ዝብል ተንቃሳቓሲት ክብል ክሰምዑኒ እንከለዉ ቅሩብ ከም ገለ ይስመዖም ። ኣብ ባእሲ እኳ ኣይንኣቱን ኢና ። ዓረብ ግን ናይ ምትርጓም ባእሲ ኣለዎም ። ንሞባይል ገሊኦም ጀዋል ( ኣብ ዝኸድካያ ምሳኻ ትኸይድ/ትዘውር ) ክብልዋ እንከለዉ ካልኦት ድማ ማሕሙል ( ኣብ ዝኸድካያ ምሳኻ ጼርካያ ትኸይድ/ተጸዋሪት ) ይብልዋ !! ኣብ ሃገራት ኣዕራብ ናይ ምትርጓም ማእከል የሎን ማለት ኣይኮነን ። ኣብ ካይሮ ዝርከብ መጅማዕ ኣል-ሉቓ ኣል-ዓረቢያ ሓደስቲ ኣምራት ንምትርጓም ዝከኣሎ ይገብር እዩ ግን ነቶም ሓንሳብ ሓንሳብ ካብ ሓደ ንላዕሊ ምትርጓም ዝገብሩ ክገትኦም ኣይክእልን እዩ ። ከም በዓል " ሓሱብ " ንኮምፕዩተር ዝኣመስላ መተካእታታት ዝኾና ዳርጋ ዕውታት ኮይነን ኣለዋ ። ንሳንድዊችን ንሪሞት ( ሪሞት ኮንትሮል ) ን ዝቐረባ መተካእታታት ግን ኣብ ቅድሚ ህዝቢ ምንጪ ሰሓቕን ሕጨጫን ኮይነን ተሪፈን ። እታ ናይ ሳንድዊች ዳርጋ ምሉእ ሓሳብ ኮይና ንመብዛሕቶም ሰባት ጋሕሚጣቶም (clumsy) ። ሓኩም ( ምሕጻር ናይ ን ካብ ርሑቕ ትቋጻጸረላን ተማሓዳድረላን ) ከኣ ሰባት ፊቕ-ፊቕ ኢሎም ስጋዕ ዝስሕቁላ ኮይኖም ። ንኣብነት ሓንቲ ሰበይቲ " ኣብ ሳሎን ኮፍ ኢለ እንከለኹ ከመይ ጌረ ወይ ንሰብኣየይ ወይ ንወደይ ' እስከ በጃኻ ነታ ሓኩም ኣቐብለኒ' " ክብሎም ኢላ በዛ ሰሓቕ ክትመውት ደልያ !!!!!!!!!