Mereja.Forum

[Abe Abraham]

• " ኣነ በዛ ሸነኸይ ካብ መምህር ገብረ-ኪዳን ደስታ ኣብ ትግራይ ዘውረድዎ ሓደጋ ባዕልና ኣብ መንእሰያትና ዘውረድናዮ ማህሰይቲ ይገድድ ይብል ።"
  
  ከምቲ ጸዓዱ ንቀዳማይን ካልኣይን ውግእ ዓለም መብዛሕቱ white-on-white-violence ዝመስል ከሎ ብናታቶም ኣጠማምታ ጌሮም ዝገልጽዎ (ንታሪኽ መግዛእታዊ ዕንደራታቶም ፍሉይን ብዕሉግን ተራኦም ኣብ ጊላነት 'ውን ከምኡ) መምህር ገብረ-ኪዳን ደስታ 'ውን ከም ሰቦም ከምኡ ዝኣመሰለ ሕማም ኔርዎም እንተ ተባህለ ከም በደል ኣይቁጸርን እዩ ።
  
  ኣብ ኤርትራና እንተ ኣትኮርና ሕጂ ኣብ ጀብሃ ዝነበሩ ተጋደልቲ ምሒር ጽልኢ ኣብ ልዕሊ ህዝባዊ ግንባርን ፕረዚደንት ኢሳያስ ኣፈወርቅን ስለ ዘለዎም ነቲ ኩሉ ግዑዝይ ታሪኽ ናይ ዓማ - ብቐሊሉ ዝፈልጥዎ - ገዲፎም ብዛዕባ ህዝባዊ ግንባርን ህዝባዊ ሰራዊትን ብዙሕ የጸልሙን ይግዕሩን ።
  
  ብሸነኽ ህግደፍ ከኣ፡ ንናይ ህዝቢ ኤርትራ ሓድነት ዝሰርሑ ዘለዉ መሲልዎም ንይጓዝም ኣሎ 'ቲ ኣንበሳ ኣንበሳ ወዲ ከበሳን ስድራ-ቤቱን ታሪኹን ኣህሲሶምን ረሲዖምን ንኣቦታት ከም ማሕበር ኣንድነት ጌሮም ኣዋሪዶምን ኣሕሲሮምን ስእልታት ኣስላም ተጋሩ መሊኦም መላሊኦም ንታሪኽ ቃልሲ ህዝቢ ኤርትራ ከም ናይ ዕዳጋ እኽሊ ኣስመራን ምጻእያታት ደቂ ሽረ ጌሮም ፡ ዘቕርቡ ጽሑፋት ኣለዉ ። እዚ ስጋዕ ክንደይ ሓደገኛ ምዃኑ ንክትፈልጥ ርሑቕ ከይከድካ ንዩትዩብ ምውካስ እዩ ዘሎካ ። ኣነ መንእሰያት ካብ 'ቲ ዝቐረበሎም ጽሑፋት ብዝረኸብዎ " ሓበሬታ " ኣቦና ከቢረ እንዳ በሉ ክንእዱን ንህዝቢ ከበሳ ከናኣእሱን ምስ ሰማዕኩ መጽሓፍ ንወለዶታት ከም ዝባሃል ብሰንኪ መጽሓፍ መንእሰያትና ተሓስዮምን ሓንጎሎም ተጎዲኡ ምስ ተዓዘብኩ ብዙህ ጒህየ ። ኣነ በዛ ሸነኸይ ካብ መምህር ገብረ-ኪዳን ደስታ ኣብ ትግራይ ዘውረድዎ ሓደጋ ባዕልና ኣብ መንእሰያትና ዘውረድናዮ ማህሰይቲ ይገድድ ይብል ።
  
  ኣብ ሕብረተ-ሰብና ናይ ምክታዕ ባህሊ ቀምሲሉ ብናይ በይንኻ ናይ ምዝራብ ባህሊ ምትክኡ ኣዝዩ ዘሕዝን እዩ ። ንሕና ነኣሽቱ እንከለና ኣብ ገዛና በጻሕቲ ክመጽኡና እንከለዉ መኣዲ ቀሪቡ ምስ ተላዕለ ሻሂ እንዳ ሰተኻ ናይ ምክታዕ ልምዲ ኔሩ ። ስጋዕ ዋላ ንግዚኡ ተዃሪኻ ትፈላለ ማለት እዩ ። ሓደ ካብ ድምጺ ሓፋሽ ዝመጽአ ተጋዳላይ ምስ ሓደ ተጋዳላይ ነበር ናይ ጀብሃ ክካታዕ ክርእይ እንከለኹ ተመሲጠ ይሰምዕ ኔረ ። ግዜ ዋይ ግዜ በለ ኣቦ ባህልና ኣተወ-ብርሃን ሰጊድ ዘደቂ-ተሽም ሓማሴን ዓባይ ኤርትራ ።

.