20 hrs ·
"ዘለና ኣማራጺ ምስ ህዝብና'ዩ፡ ወይ ክንህሉ ወይ ክንጠፍእ፡ ተጠሊምና ኢና" ዶ/ደብረጼን ገ/ሚካኤል ኣብ ጉዳይ ኣሜሪካ ኣልዒሉ ኣብ ኣኼባ ካብ ዝበሎ....
======
ኣሜሪካ ብሳትላይትን ረቀቕቲ ናይ መጸናጸኒ መሳርሒታትን ተደጊፋ ኣብ ክትገብሮ ዝጸንሐት ሓደገኛ ናይ ሓዊ ጸወታ፡ ልዕሊ 60% ካብቲ ናብ ክልላት ኣምሓራን ዓፋርን ዝወፈረ ሓይሊ ጃንዳ ማለሊት ድሮ ኣህሊቑ ምህላዉ ምስ መሪሕነት ጃንዳ ማለሊት ቕርበት ዘለዎም ምንጭታት ሓቢሮም። ኣሜሪካ ምስ ላዕለዋይ መሪሕነት ጃንዳ ማለሊት (ትግራይ ሰንትራል ኮማንድ) ኣብ ክትገብሮ ዝጸንሐት ናይ ሓበሬታን ዲፕሎማስን ልዉዉጥ፡ ሓይሊ ፈደራል ኢትዮጲያ ፍጹም ከም ዝተደምሰሰ ኣምሲላ መልእኽቲ ክትህብ ምጽንሓን እዚ ድማ ኣብ ላዕለዎት ኣዘዝቲ ሰራዊት ጃንዳ ማለሊት ፍጹም ወተሃደራዊ ስሕተት (Misculculation) ከም ዘኸተለ ወሲኾም ሓቢሮም ኣለዉ።
ብዘይካ'ዚ ኣሜሪካ መንግስቲ ኢማራት ንኢትዮጲያ ክልእኸን ዝጸንሐ ድሮናት ደዉ ንኸብል ከቢድ ጸቕጥታት ክትገብር ምጽንሓን ንላዕለዎት ኣዘዝቲ ሰራዊት ትግራይ፡ ኢማራት ምስቲ ሓሳብ ምስምማዓን ናይ ኢማራት ድሮን ኣብ ክሊ ኣየር ኢትዮጲያ ደጊመን ከም ዘይረኣያ ዘረጋግጽ ሓበሬታ ምሃባን'ዩ እቲ ሓበሬታ ዘነጽር። ኣብ ጉዳይ ቱርኪ ዉን ተመሳሳሊ መልእኽቲ ዘመሓላለፈት ኣሜሪካ፡ እቲ ሓበሬታ ንኸም በዓል ሌ/ጀ ጻድቃን ገ/ትንሳኤን ሌ/ጀ ታደሰ ወረደን ኣብ ዉጥናቶም ስሕተት ንኽገብሩ ከም ዝደፋፍአን ኣቃሊዑ።
በቲ ሓበሬታ ፍጹም ዝተኣማመኑ መራሕቲ ጃንዳ ማለሊት፡ ደጋጊሞም "ሰራዊት ኢትዮጲያ ምሉእ ብምሉእ ተደምሲሱ'ዩ"፡ "እቲ ኩናት ብዓወትና ተዛዚሙ'ዩ"፡ "ኣብ ዉሑዳት ሰሙናት ኣዲስ ኣበባ ክንሕዛ ኢና" ዝብል ዘረባታት ከጋዉሑ ምጅማሮም ይዝከር። ብመሰረት እቲ ዝረኸብናዮ ሓበሬታ፡ በቲ ግጉይ ትንተናታትን ስለያዊ ሓበሬታትን ዝተናደዱ መራሕቲ ጃንዳ ማለሊት፡ ቑጥዐኦም ብቓልዕ ኣብ ምግላጽ ከም ዝርከቡን ድሮ ዉን ብኣፈኛ እታ ጃንዳ ኣቶ ጌታቾዉ ረዳ ኣቢሎም ዘድልዮም ናይ "ጻዕ-ጻዕ" መልእኽቲ ከም ዝዘርግሒን እቲ ሓበሬታ የነጽር።
