Mereja.Forum

[Abe Abraham]

• ሓወይ ዝሓከየለይ ናይ ብሓቂ ሒካያ
  
  ሓደ መዓልቲ ቀትሪ ሰንበት እታ መዓልቲ ምስናይ ጸሓያ ነፋሻ ነበረት ። ስለ ዝኾነት ድማ ኣብ ሓደ ጽላል ኮይኖም ከም ልማዶም ገለ ኤርትራውያን እንተ ንምዝንጋዕ እንተ ገንዘብ ንምኽሳብ ቁማር ይጻወቱ ኔሮም ። እቶም ኤርትራውያን ወዲ ሳንጎርን ሃይለን እዮም ኔሮም ። እዚ እንዳ ኮነ እንከሎ ሓደ ትግራዋይ ደበኽ ይብል ኣብ 'ቲ ቦታ ። ንወዲ ሳንጎር ኣጻውቱኒ ይብሎ ። ወዲ ሳንጎር ነቲ ናይ ሰንበት ክዳኑ ተኸዲኑ ዝነበረ ትግራዋይ ብዙሕ ስለ ዘይፈልጦ ንስኻ ሓድሽ ስለ ዝኾንካ ምሳና ምኩራት ተቛመርቲ ምጽዋት ኣየዋጽኣካን እዩ ይብሎ ። ትግራዋይ ደጋጊሙ ናይ ጸዎታ ህንጡይነቱ ምስ ገለጸ ወዲ ሳንጎር መመሊሱ እምቢ ክብሎ ስለ ዝጸገሞ በል ሕራይ ንሃይለ ገዲፍና ኣነን ንስኻን ክንገጥም ይብሎ ። ወዲ ሳንጎር ውዑይ ስለ ዝነበረ ሼሽ ቤሽ እንዳ በለ ነተን ካብ ሓደ ስጋዕ ሽዱሽተ ነጥብታት ዝሓዛ ክልተ ጽራብ ርቡዓት ኣዕጽምቲ ኣብ ባይታ ይድርብየን እሞ ምስ ሰዓረ ኣቕራሹን ኣቕራሽ ናይ እቲ ትግራዋይን ናብ ሸነኹ እክብ የብሎ ። ጸዎታ ከምኡ እንዳ በለ ምስ ቀጸለ ዎዮ ትግራዋይ ደንጺይዎን ወዲ ሳንጎር ይቕሽሾ ዘሎ መሲልዎን ቁልጭ ይብሎ ። ወዲ ሳንጎር ጥራሕ ኢድካ ከይትተርፍ ሕጂ ነዚ ጸዎታ ጠጠው ነብሎ ይብሎ ። ትግራዋይ ናይ ዓሻ ትሪ ሒዝዎ ሰልዲ ከምልስ ኣይፋልን ንቐጽል ይብሎ ብዘይ ገለ ለውጢ ማለት እዩ ። ወዲ ሳንጎር ነገር ከይመጽአት ካብ ነገር ክሃድም ብምባል ነቲ ብሓይሊ ንጻወት ዝብል ክሱርን ዘይምዱንን ትግራዋይ ገዲፍዎ ብጉያ ዕዝር ይብል ። ዎዮ ሕጊ ናይ ጠላዕ ዘይፈልጥ ተልመዴን ትግራዋይ ደድሕሪ ወዲ ሳንጎር ዘብ ዘብ እንዳ በለ ይጎዪ ኣብ 'ቲ ከባቢ ስለስተ ኣርባዕተ ዙርያ ምስ ገበሩ እቲ ትግራዋይን ወዲ ሳንጎርን ሰለ ዝተጣፍኡ እቲ ትግራዋይ ስዕረቱ ሒዙ ናብ ገዝኡ ከይዱ ። ወዲ ሳንጎርን ከ ? ወዲ ሳንጎር ምስ ሃይለ ናብ ሜዳ ከይዱ ። ሃይለ ቅሩብ ሕጉብ ዝበለን ብቐሊሉ ተለላዩን ስለ ዝነበረ ንመጨረሽታ ጊዜ ምስ ሓወይ ኣብ ከረን ተራኺቦም ኔሮም ። ኣብ ቤተ-ምርኢት (ኣብ ዝወደቓ ናይ ጸላኢ ነፈርቲ ዝተረኽበ ንብረት ዝሓዘ) ሃይለ ካላሽኑ ሒዙ ኣብ ሰድያ ኮፍ ኢሉ እንከሎ ።
  
  ወዲ ሳንጎር ምስ ተጋሩ ዋላ ሓንቲ ጽልኢ ኣይነበሮን እኳ ደኣ ሓደ መዓልቲ ሂወት ናይ ሓደ ትግራዋይ ኣድሒኑ ። እቲ ትግራዋይ ካብ ሕማም ለምጺ ( ደዌ) ክፍወስ ኢሉ ናብ ኤርትራ ምስ መጽአ ባሕሪ ይሕምበስ ኢሎሞ ናብ ባሕሪ ወሪዱ ምስ ኣተወ ትልኽ ትልኽ ምስ በለ ወዲ ሳንጎር ማልያኡ ኣውጺኡ ቲፎ ኣትዮ ካብ ሞት ኣጋላጊሉ ድሕሪ ሕጂ ክትማሃር መታን ኣብ ትሕት ዝበለ ማይ ኪድ ኢሉ ምኽሪ ሂቡ ኣፋንይዎ ።

-